【年度食材選舉2020】食龍蝦可以救地球！即睇超罕見長壽、透明龍蝦冷知識｜食是食非

撰文：胡蚊｜圖片來源：新傳媒資料室、網上圖片

食龍蝦 救地球！

龍蝦好食就人人知，原來龍蝦殼都好有用。英國科學家發現龍蝦殼中有一種生物聚合物名為「幾丁質」， 加入酸性及強鹼性溶液，脫去其中的礦物質及蛋白質後，再加以納米化，就可以製成纖維粉末製作塑膠袋替代物。袋子既可抗菌，使用後又可無污染分解。科學家估計，光是倫敦現有的9家連鎖龍蝦餐廳，每年就丟棄375公噸龍蝦殼，可以提取12.5萬公斤幾丁質，製作出750萬個「膠袋」。所以話，食龍蝦隨時可以救地球！

百歲龍蝦好長壽

龍蝦是一種很長壽的物種，有一隻估計至少132歲的龍蝦Louie就住在紐約一間海鮮餐廳。店主Yamali幾年前買下餐廳時，Louie已經在水缸內，由於身形巨大，重近22磅，前店主都不捨得將之宰掉，一直留在缸內，前前後後養了近廿年。中間有人客願以近萬元港幣購買Louie作為父親節大餐，Yamali不捨，決定將他放生，回歸大海。Louie最終有幾多歲壽命，就無人知，但根據健力士紀錄，史上捉過的龍蝦皇，捕於1977年加拿大Nova Scotia海岸，重近44.6磅，同樣是百歲龍蝦壽星公，由頭至尾長近3尺半，非常厲害！

透明龍蝦邊度有？

透明的龍蝦，大抵沒有甚麼人見過。10代做漁民的緬因州漁夫Alex幾年前在Chebeague Island附近海岸捉到一隻罕有的透明龍蝦，當地漁民協會認為，龍蝦是有遺傳病導 致色素流失，通常每一億隻才遇到一隻，非常少見。最後Alex為龍蝦拍了照片，就將之放回大海，下次有機會去緬因州潛水，記得落足眼力。

龍蝦識慘叫？

瑞士在2018年修改《動物保護法》禁止把龍蝦等甲殼動物直接放入滾水中灼煮，宰殺龍蝦前必須先電擊以破壞其腦部，減輕龍蝦的痛楚。此例一出，人們爭相討論，有人言之鑿鑿講述煮龍蝦時會聽到慘叫。當然亦有人解釋龍蝦根本沒有聲帶，亦沒有精密神經系統，應該不會慘叫。普遍科學家解釋，煮龍蝦時聽到的聲音只是外殼磨擦的聲 音。你又相信哪一派說法？

更多龍蝦冷知識：波士頓龍蝦唔係龍蝦！小龍蝦會引致肌肉溶解？即睇龍蝦百科