卜卜脆龍蝦爆谷 老蘭名店搞外賣|灣仔食乜好|
廣告
老蘭名店 Bisque，賣龍蝦賣到出晒名，最近就跳出Fine Dining框框，在 灣仔 開了 外賣 店 Lobster Pot 。又食 龍蝦包 ？放心，賣的不是用解凍龍蝦肉製成的 龍蝦包 ，而是人手將原隻加拿大 波士頓龍蝦 拆肉，製成各種意想不到的創意龍蝦小食！
撰文：Jeff 圖片：Him
好食過 龍蝦包 ! 啖啖肉 龍蝦爆谷
吃 龍蝦包 無非都係喜歡啖啖龍蝦肉，這個 龍蝦爆谷 比 龍蝦包 更好肉！顧名思義，將龍蝦肉上粉，炸蘸上cajun與paprika等多種香料粉，再裹上粉漿，即叫即炸，成品如爆谷大小，外脆內爽，火候不俗，龍蝦肉保有爽甜，叫人停不了口，加杯啤酒行街，一時之快，過癮過龍蝦包！
跟市面上許多 龍蝦包 專門店不同，這裡百分百真材實料，龍蝦都在店內煮熟拆肉，連龍蝦頭的蝦羔細肉，亦不放過。
龍蝦爆谷，最好就是襯熱，加點檸檬汁，再點千島醬吃。
總店移植+新創作 三大必吃小食
龍蝦Mac ‘n’ Cheese，是這裡午餐首選，通粉即烚，保持彈牙，煮好就拌入煮熱的忌廉芝士醬，醬汁中有車打、巴馬臣與瑞士Gruyère三種，芝味本已極濃，再配上連著蝦羔的蝦肉，撈起來，每口皆是邪惡。
這裡 龍蝦包，短身餐包是店家獨家款式，size剛好讓你吃到每口都是龍蝦肉，且牛油味濃，配龍蝦正好！
總店Bisque 招牌菜龍蝦湯，這裡價錢平近三份一，除了紙碗包裝可以grab & go之外，做法材料完全一樣。龍蝦湯要花兩天時間做，用龍蝦頭、殼加8種香料、8種蔬菜熬製。留到翌日，再用電動攪拌棍，攪至奶滑再煮進龍蝦肉與忌廉才成，相當認真。
環境輕鬆 Happy Hour一流!!
總店位處蘭桂芳，正宗高級西餐裝修，燈光浪漫，主打香檳配龍蝦。 相後外賣店位處灣仔，雖然位置不多，但氣氛輕鬆得多，主要做快餐和happy hour。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
