齊柏林熱狗轉戰兩餸飯市場！「齊記美食」殺入新蒲崗 繼屯門後又一分店 必食生炒骨＋土魷煎肉餅＋辣子雞 ｜區區搵食
廣告
齊柏林熱狗店全新副線「齊記美食」，主打近期勁hit的兩餸飯。繼上年首間店於屯門落戶後，反應熱烈，今年再開新蒲崗分店。以兩餸飯來說$36的價錢中規中矩，勝在街坊大讚大份兼好食，而且每日廚師發辦，日日食都有驚喜！齊記美食透露將開第3間分店，發展迅速！
齊柏林熱狗副線「齊記美食」兩餸飯
分店殺入新蒲崗 繼屯門店後最新分店
兩餸飯是今年飲食界的大熱！齊柏林熱狗店一早睇中兩餸飯的市場，上年年中於屯門開了「齊記美食」，主打$36兩餸飯。開店不久已經大排長龍，加上今年熱潮興起，成功開第2分店。選址為新蒲崗越秀廣場。分店還在試業當中，但已經不少食客慕名而來！
兩餸飯Omakase 日賣500盒：生炒骨＋辣子雞
齊記美食的款式每日均由廚師發辦，廚師擁有20多年掌勺經驗，曾在多間集團或中式餐廳工作。為保證分店的口味品質一致，所有食材均由大廚在工場醃製，加上統一的調味包送往門市，而餸菜都是即炒即賣，保證新鮮。
目前屯門分店菜式大概18-20款，而新蒲崗新店試業期間為12款左右，午市及晚市款式稍有不同。例如招牌炸雞翼、椒鹽豬扒、蓮藕土魷煎肉餅、生炒骨、辣子雞、原條豉汁蒸倉魚、蟲草花雲耳蒸滑雞、蒸水蛋等。以兩餸飯起計，$36就食到，食客亦可以加至三餸飯$42，每款都包一杯飲品，相當貼心！唔想吃飯，甚至可以單點餸菜，單餸$40，雙餸都只是$50，以親民價就食到酒樓的份量及質素，難怪生意接不停手，人龍一浪接一浪，日賣500盒！
負責人：向美心挑戰 未來再開分店！
齊記美食幾位負責人因兒時食過兩餸飯，故以此為靈感開始兩餸飯的新道路。他們更向記者透露，目前已經租了新舖位再開分店。「我哋目標係挑戰美心，成為大集團向美心睇齊，單憑齊柏林熱狗店是不足夠的，要追求更多元化。」期待你們的新發展！
- 齊記美食（新蒲崗店）
- 地址：新蒲崗寧遠街3-23號越秀廣場G18舖
- 電話：從缺
- 營業時間：星期一至六11:30am-8pm
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
撰文：艾菲圖片來源：齊記美食
