梳乎厘班戟
梳乎厘班戟

油麻地發現 黃校巴小食車!$28 梳乎厘班戟 新出黑芝麻味 仲有足料雞蛋仔+格仔餅

飲食

廣告

油麻地最近多了架黃校巴,吸引好多人都停低望望。原來是間賣街頭小食的舖頭,主打梳乎厘班戟,$28一份兩大件,最新推出仲有黑芝麻口味,還有足料雞蛋仔、窩夫和雪糕,全部幾廿蚊有交易,即睇有甚麼款式!

記者:Joan 攝影:Fion

&feature=youtu.be

美國校巴造型 好搶眼!

小食店設計成黃色校巴,原來靈感來自美國的校巴,店主Ray小時候在美國讀過書,坐黃校巴返學,之後又在澳洲見過好多美式餐車,回港後很想在香港做架美食車,便索性把兩者合併,黃色外形加開放式廚房,Sharp到路人經過都停低望望。

梳乎厘班戟
黃色校巴,開放式廚房長身設計,好多人都停低望下。

梳乎厘班戟 + 港式小食

這架美食車「停泊」在油麻地,賣的是各款街頭小食,有最近好Hit的梳乎厘班戟,還有雞蛋仔、窩夫和雪糕。梳乎厘班戟的做法是Ray跟日本朋友學的,每件的份量、用料都不斷調校,班戟漿用美國蛋和日本蛋製成,蛋香特別濃郁,而班㦸漿做好後不能放多過一小時,在廚房內有店員不停預備。梳乎厘班戟亦以煎焗方法整成,即叫即製,賣相堅挺圓潤,入口有梳乎厘的空氣感,又有班戟綿密口感,一份不過是$28,好抵食。

IMG_2531
原味梳乎厘班戟 $28
即叫即製,可以在開放式廚房內見到店員不停煎,入口軟綿綿,有豐盈的空氣感,味道不會太甜,食得出蛋香,班戟內濕潤度剛好,$28兩件好抵食,難怪好多人排隊。
螢幕快照-2017-06-30-下午7.04.57
梳乎厘班戟不用模具製作,但賣相Keep到圓潤大份,件件都肥嘟嘟。

陸續推出新口味:黑芝麻梳乎厘班戟

最新推出的黑芝麻口味,黑芝麻粉自己炒自己磨,食落清香,淡淡的黑芝麻中帶甜味。想吃更濃味的,可以加黑芝麻雪糕,似食緊芝麻糊!

IMG_2565
黑芝麻梳乎厘班戟 $38 (加黑芝麻雪糕另加$10)
深灰色的梳乎厘班戟,賣相好特別,班戟漿除加了自家磨製的芝麻粉外,還加了竹炭粉提亮顏色,面頭再淋上黑芝麻醬、黑芝麻粒和糖粉,食落鬆軟,帶淡淡黑芝麻清香。

雞蛋仔 筲箕灣人氣小食店教路

街頭小食當然少不了雞蛋仔,Ray之前也向筲箕灣的低調高手大街小食取經,雞蛋仔用湖北蛋或泰國蛋製作,除原味外,還有芝士、朱古力、綠茶紅豆、士多啤梨和黑芝麻味,每款配料落得足料,製作時間經多次試驗,款款不同,做起後又會用吹風機待其變脆,紙袋亦選有透氣孔的。

螢幕快照 2017-06-29 下午8.52.52
低調高手大街小食 Fb截圖
IMG_2480
雞蛋仔 $20
記者手上的是招牌白朱古力味;另外還有原味、芝士、朱古力、綠茶紅豆、士多啤梨和黑芝麻味。
螢幕快照-2017-07-03-下午5.51.55
白朱古力碎布滿整個雞蛋仔,好足料!
IMG_2602
雞蛋仔加雪糕 $30
綠茶紅豆口味雞蛋仔,用了台灣和日本抹茶粉,茶味甘香帶甜,還加了少少菠菜汁提亮顏色。嫌單調的話,可以加$10要牛奶味或黑芝麻雪糕。
IMG_2504
朱古力窩夫$25
一份有兩件窩夫,不要以為份量少,窩夫機特別訂製,做出來的窩夫特別厚,裡面有好多朱古力粒,面頭塗滿牛油和朱古力醬,食兩件已經好飽肚。
IMG_2581
黑芝麻雪糕 $20
黑芝麻雪糕好濃味,似食冰凍的芝麻糊,平時是用黑色的竹炭雪糕筒,不過記者去的當日無貨,另外亦可選牛奶味雪糕。
IMG_2592
雪糕可自助任加Toppings,有彩針、朱古力和棉花糖。

am.pm

地址:油麻地彌敦道560號譽發廣場地下B舖(顯示地圖
電話:2725 4318
營業時間:12nn-10pm

 

JuiceFbNEW

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..