【出街搵食】$78麻辣燙放題！老巷麻辣燙搬店 80款配料 口水雞粉皮、鴨血、肥牛 吃足90分鐘|荃灣美食|
Text：Moyin Photo：Man
懷舊招牌 潮語鋪天蓋地
老巷麻辣燙最叫人印象深刻，是九龍皇帝式白底黑字的大字報，新店一樣夠玩味，懷舊之餘，也緊貼潮流，店內充斥著潮語及搞鬼字眼，如「小鮮肉」、「宇宙GEM 」、「亞視永恆」等，玩味十足，70後至二千世代的朋友都有共鳴。
老闆荃灣長大 同區開小店
新店開在曹公坊，面積比以往大了，但裝潢同樣充滿玩味。以往舊店需要大排長龍，新店舖面大了，客人可訂座，不用Walk in 呆等，更有樓上座位，可以包場唱K 開Party。「自小喺荃灣長大，呢度係我嘅根。眼見舊式小店一間間咁消失，希望自己可以出一分力，開番間小店，重溫舊一代嘅味道。」老闆之一的阿虎一臉認真地道。
宵夜時段 推 $78老巷麻辣燙任食
新店依然以麻辣燙做主打，平時會以單點形式供應，配料逐款柯打逐款計，但最受年輕街坊歡迎的，是10pm 後任食，限時90分鐘，每位$78起，除了有近80款麻辣燙配料如土豆粉、豆串、千張、鴨血、肥牛等。配料推介即炸腐皮，十分吸汁！
配料逐款睇！
半價食雞煲+炒蜆
除了麻辣燙，任點菜式還包括口水雞粉皮、尖椒皮蛋等5款涼拌小食任點，汽水啤酒任飲。另外可半價食新店才推出的雞煲及豉椒炒蜆，非常抵食吸引。非任食的話，每款配料 $5 至 $8，價錢也合理。
雞隻浸45分鐘後起骨切絲，再用上天津粉皮，粉皮厚身爽滑，是任食時段的回本菜！
每天到楊屋道街市親自選購新鮮海蜆，花甲每隻都飽滿鮮甜。
選用較大隻、油分均勻的三黃雞，加入花椒、指天椒、青尖椒等十多款香料炒香，雞肉香口入味。
選用新鮮的流浮山蠔，大如手掌， 加上炒香的蒜蓉辣椒來燒，麻辣味刺激。
老巷麻辣燙
地址：荃灣曹公坊5號地舖（顯示地圖）
電話：2618 1608
營業時間：12nn-2am
90分鐘任食收費：10pm後，星期一至四 $78/位，星期五至日及公眾假期$98/位
備註：不設加一，只收現金
延伸閱讀：
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
