麥當勞
麥當勞

13歲小朋友麥當勞偷整雪糕 引網民熱議:$10雪糕有必要報警?|飲食熱話

飲食熱話

廣告

昨日(3/7)網上流傳一段短片,片中的13歲小朋友擅闖麥當勞雪糕站,偷整雪糕後逃去。事件引來網民熱議,「香港地」Facebook社群更發帖:「小朋友自己整個$10麥當勞雪糕,有必要報警店舖盜竊嗎?」留言兩極化,有人覺得片中男童不過是小朋友,沒必要報警;有人則覺得「小時偷針,大時偷金」要有應有的懲罰才會知錯。大家又點睇呢?

13小朋友麥當勞偷整$10雪糕!應否報警?

昨日於「香港突發事故報料區及討論區」流傳一段偷雪糕短片,片中一名黑衣男子擅自進入麥當勞甜品站,拍片者說「免費整雪糕」,聲稱要「新地筒」後,片中男子便操作雪糕機偷整雪糕,沒有付款便逃去,麥當勞事後將事件交由警方處理,並發現片中人不過是13歲男童。事件引來網民熱議,「香港地」Facebook社群發帖:「小朋友自己整個$10麥當勞雪糕,有必要報警店鋪盜竊嗎?」帖文旋即引來大批網民爭論。

麥當勞 片中13歲男童擅闖甜品站整雪糕。
片中13歲男童擅闖麥當勞甜品站整雪糕。(圖片來源:香港突發事故報料區及討論區截圖)
麥當勞 沒有付款便逃去。
沒有付款便逃去。(圖片來源:香港突發事故報料區及討論區截圖)
「香港地」Facebook社群發帖:「小朋友自己整個$10麥當勞雪糕,有必要報警店鋪盜竊嗎?」
「香港地」Facebook社群發帖:「小朋友自己整個$10麥當勞雪糕,有必要報警店鋪盜竊嗎?」(圖片來源:FB@ThingsAtHongKong)

「小時偷針,大時偷金」vs「無必要攪咁大」

帖中留言兩極化,大部份人認為拍片偷雪糕實在太明目將膽,如果沒有應得的懲罰就不會知錯,而且會令其他小朋友有樣學樣,加上13歲已經不算是「小朋友」,而是青少年,有獨立思考的能力。「俾佢做得一次,發覺原來冇後果要承擔,咁以後呢?佢咪覺得自己做咩都得」、「13歲仲小朋友?」、「小時偷針,大時偷金,應該要報警,仲要拍埋片即係覺得冇問題,價值觀好錯」、「一傳再(咗)出去之後就有好多小朋友會覺得原來自己入去整雪糕係冇罪嘅」。

但亦有人覺得不過是$10,又是小朋友,人誰無錯,13歲就為小錯而留下案底很可惜,覺得店方應息事寧人,通知父母、警戒小朋友即可。「小朋友係錯,但個人覺得冇必要報警,通知父母,叫佢下次唔好再犯咪得囉。」、「小朋友係有錯! 但我覺得比機會佢改,無必要攪咁大。通知佢父母賠償就可以。」亦有人慨嘆香港人越來越沒有人情味:「慨嘆香港人愈來愈mean,有點昔日溫情不再之感!」

麥當勞 13歲不算是小朋友。
13歲不算是小朋友。(圖片來源:FB@ThingsAtHongKong)
麥當勞 要有後果才會學懂乘擔。
要有後果才會學懂乘擔。(圖片來源:FB@ThingsAtHongKong)
麥當勞 小朋友有錯,但亦要俾機會他改過。
小朋友有錯,但亦要俾機會他改過。(圖片來源:FB@ThingsAtHongKong)
麥當勞 此事不懲戒,只怕其他小朋友有樣學樣。
此事不懲戒,只怕其他小朋友有樣學樣。(圖片來源:FB@ThingsAtHongKong)
麥當勞 為10蚊留案底好可惜。
為10蚊留案底好可惜。(圖片來源:FB@ThingsAtHongKong)
麥當勞 大家爭論不下。
大家爭論不下。(圖片來源:FB@ThingsAtHongKong)

唔報警點知係13歲?

留言當中亦有人突破盲點,指出其實就片段所見,根本不知道片中男子是13歲,所以不報警,又如何知道是13歲呢?「係咪搞錯咗次序?唔報警點搵到佢?報咗警先知佢係小朋友。」、「唔報真係唔知得13歲,齋睇片我以為係大人」而且有人認為就算報了警,也不會有案底:「其實最多都係警司警誡,當俾個教訓個小朋友,又冇實際損失,有咩問題?」大家又點睇呢?

麥當勞 不報警,又如何知道片中人是13歲男童呢?
不報警,又如何知道片中人是13歲男童呢?(圖片來源:FB@ThingsAtHongKong)
麥當勞 就算報了警都只會有警誡,不會有案底?
就算報了警都只會有警誡,不會有案底?(圖片來源:FB@ThingsAtHongKong)

關鍵詞
飲食熱話
圖片來源:香港突發事故報料區及討論區截圖、FB@ThingsAtHongKong