麥當勞26歲小朋友生日會 網民熱議：一償兒時心願、重點係M記姐姐｜飲食熱話

26歲小朋友麥當勞生日會！網民感性留言：有可能係一償兒時心願

近日在Facebook群組「大埔 TAI PO」出現一張Hit爆相片，惹來大批網民分享、留言，衝出群組，在Facebook各處都看到其蹤跡。相片中，一張麥當勞生日會告示牌寫著：「XXX小朋友26歲生日會」，簡單一張相，便盡在不言中。網民紛紛留言，有網民感性留言「其實有好多成年人，小時候都希望係呢度有個生日會…有可能係一償兒時心願」；亦有人討論年齡問題，覺得26歲開勞當勞生日會根本無問題，「4－50歲都係年青人…所以計返係無錯嘅」、「有心既話，人人都可以係小朋友」；亦有數口精的表示「平平哋成班人聚下幾好玩」，也有同道中人開心share「成人版麥當勞生日會係好搞笑好玩的（利申：老婆幫我搞過，果陣仲唔只26歲）」。但最出奇不意的是不少人認為「重點係同M記姐姐玩遊戲」、「麥當勞姐姐識唔識玩骰盅」。

生日會$280起！仲可以搞婚禮～

其實成年人在老麥搞生日會已不會新鮮事，甚至可以搞婚禮！筆者也曾參加了幾次成年朋友的老麥生日會，而麥當勞在官方網頁也有寫明「各位大朋友小朋友，麥當勞全新的『一齊嚟慶祝』生日會，特別為您帶來無限驚喜！」除了提到小朋友外，也不忘記各位成年的「大朋友」啊！

老麥生日會其實真的幾抵，生日會服務費不過$280，可玩足一個半小時，不單有親切的麥當勞姐姐同大家玩遊戲，也會為生日之星準備禮物1份，如出席人數超過10位，每位出席者需另繳$28，每位出席嘉賓都會有嘉賓禮品。當然食品及飲品費要自付啦，想食幾多就買幾多，其實都幾率性方便呀！其實除了生日會外，也可以開婚禮，平靚正，所謂「有情飲水飽」，在老麥飲可樂也是可以好Sweet的！

• 麥當勞生日會網址按此