麥當勞元旦全日早餐大混亂！網民力數4宗罪「加價都算最衰仲要咁做」｜飲食熱話

元旦日麥當勞推全日早餐$30起 大混亂網民食到嬲

「新一年點少得嚟麥當勞歎全日早餐！」，踏入2023年，麥當勞一如往年推出了全日早餐，由凌晨12點開始供應，套餐價錢由$30起，更有全新阿華田脆脆熱香餅供市民選擇。不少市民都湊個熱鬧，一早就到附近分店希望來個 good morning，也有市民因為套餐是全日供應，於是中午甚至下午才下單，結果卻成為「麥當勞全日早餐」苦主。

網民炮轟4宗罪：安排失當「食到一肚氣」

1.手機App無法買全日早餐

元旦日天氣寒冷，不少市民透過App下單，待時間差不多才去取餐，免受寒風虐待。但一打開App卻發現「手機app落唔到早餐」，不少市民表示非常失望，更直斥「又話全日早餐嘅？係咪平行宇宙？」。不過不知道是否聽到市民意見，之後手機App終於可以買，但卻有其他問題出現，例如有網民指「App到嗌，話餐廳繁忙，唔俾落單」、「14:00左右app話售罄。又無阿華田脆脆揀」，仍然問題多多！

2.宣傳「全日」供應但一早就售罄

而親自去分店購買的市民也表示極度失望。不少網民指這個麥當勞全日早餐根本不是全日供應，有網民指「成個東區都賣晒喎」、「12:50 就無晒全日早餐，仲學咩人叫全日早餐？」、「你地知唔知咩叫全日供應？下午未到一點就冇得買」，更誇張的是有網民投訴「竹園分店 一朝早9:30就話無哂」，即是在早餐時段也買不到早餐，的確相當過份，有網民表示失望：「又唔係第一年搞，本來就係想唔喺早餐時段去食，你地預啲量預得咁少㗎咩？」

3.落單後第1-2小時是基本

另外也有不少市民指即使成功落單，但等待時間實在長得過份，有網民留言「等左2個鐘仲未出到餐」、「13:30樓下間舖話：熱香餅嗰個賣晒la，精選嗰個等45 mins」、「新屯中..10:30等左兩個半鐘依家仲未到」、「等咗2個鐘仲未出到餐」，早餐等到變午餐、午餐變晚餐！

4.執漏/錯食物、部份食品份量減半

好不容易全日早餐終於到手，但不少網民都表示不滿意。有網民留言指「買咗三個珍寶套餐返屋企，冇餐具冇果占冇熱香餅糖漿，成個餐都乾嘅叫人點食」、「買咗兩個早餐返到屋企冇咗薯餅囉」、「珍寶套餐冇俾熱香餅」、「咁早就話無曬脆脆，太離譜了」「咖啡冇咗半杯，塊pancake同蛋浸曬咖啡，又唔比牛油同阿華田脆脆」，難怪不少網民都指「食到一肚氣」。

網民望麥當勞可改進

雖然罵聲不斷，但麥當勞仍有一批忠實粉絲。Facebook群組「麥當勞關注組（香港）」就有粉絲開post「2023年對麥當勞有咩訴求？希望高層關注吓」。有網民希望可以「全日薯餅」，有人則希望「保留最後的麥當勞叔叔」、「菠蘿蝦堡，將軍漢堡，藍莓吉士批要變恆常，啲包要變返原來size」、「要熱薯條，唔要凍冰冰嘅薯條」、「加價都算 ! 總之個包同薯條唔好再縮水」，不過也有網民指麥當勞根本「唔憂做」，最終也只會是「投訴接受 態度照舊」。

資料來源：麥當勞關注組（香港）、Facebook@McDonald’s