麗園荃灣打冷舖轉戰兩餸飯！ $45食三餸海鮮 日日排長龍~不計成本平食長腳蟹＋鮑魚＋龍蝦｜外賣食乜好
廣告
麗園大排檔小炒原先位於荃灣，主力售賣潮洲打冷美食。不過因疫情關係，最近轉戰售賣兩餸飯，以大排檔風味炒出多款海鮮小菜，$45便可嚐到三餸海鮮菜式。驚人的份量加上價錢抵食，麗園在兩餸飯關注組內突然紅起，日排長龍，下午1點已經剩餸尾！其海鮮餐每日限量，而且需要預訂，想食都要碰運氣！
麗園荃灣打冷舖不敵疫情 賣兩餸飯成功彈起！
荃灣路德圍出名美食多，其中一間以潮州打冷為主的麗園大排檔小炒，卻因停晚市後生意大跌。最近他們改變策略，轉型售賣兩餸飯，與坊間與別不同的是，其餸菜加入打冷的元素，炒出碟碟具鑊氣的海鮮小菜，價錢卻是兩餸飯價格，因而吸引大量粉絲撐場！麗園在Facebook兩餸飯關注組熱度不斷，幾乎每日都有人去排隊支持，為每日的海鮮大餐打卡！
成名後，海鮮大餐供不應求，每日限量供應。老闆更開設Whatsapp群組預訂海鮮餐，記者嚐試進入谷內，兩個群組都爆滿，一共超過500人！老闆每朝都會在谷內發出是日餸菜，街坊可每日預訂海鮮餐。有谷友指，1點多排隊，已經只剩「餸尾」。更有街坊誓言要9點未開門就去排隊，認真誇張！
$45三餸海鮮 薑葱炒蟹＋椒鹽蝦＋豉椒炒蜆
其餐廳絕不是售賣1-2款海鮮貪圖噱頭而已，記者在谷內看見，是日餐牌有齊22道餸菜，其中包括6道海鮮小菜，包括阿拉斯加長腳蟹、象拔蚌、薑葱炒蟹、辣酒煮東風螺、豉椒炒蜆、椒鹽蝦等，也有網民在群組內指曾食過飽魚、龍蝦、倉魚等。老闆每日親自到街市購買海鮮，所以每日款式均有不同。
包括椒鹽墨魚咀、椒鹽蝦、豉椒炒蜆。（圖片來源：Facebook@香港兩餸飯關注組Anthony So）
價錢方面，二餸及三餸飯均一收費$40，而二至三款淨餸為$45，款式沒有限制，即是可以三餸都選擇海鮮都得！雖然在兩餸飯業界內不算最便宜，不過勝在款式獨特又多樣，份量大份夾抵食，有谷友更笑著投訴「菠蘿咕嚕肉得一粒菠蘿」！網民聲稱連續9日食，仲抵過自己煮！
- 麗園大排檔小炒
- 地址：荃灣路德圍69號R地舖
- 電話：2498 2832
- 營業時間：星期一至日11:30am-8pm
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
撰文：艾菲圖片來源：新假期編輯部、香港兩餸飯關注組、皓男 Hong Kong Walker、麗園大排檔小炒
