港男自攜鮮魚到大家樂打邊爐！圖文並茂大讚鮮甜 網友反應兩極｜飲食熱話

港男自攜鮮魚到大家樂打邊爐自行加餸！

天寒地凍，當然要打邊爐暖下身子又暖胃。不少港人會到街市買餸回家打邊爐，但想不像已有人進化到自行加餸到快餐店打邊爐。最近有男網友於Facebook群組「香港街市魚類海鮮研究社」發文，指自己到深水埗北河街街市購買數條鮮魚，再到大家樂用餐打邊爐，自行加餸。更圖文並茂寫大讚「條魚打邊爐好鮮、好甜，碗湯夠晒魚味」，亦表示自己一試難忘，決定下星期又試其他魚打邊爐。

從事主所張貼的照片可看，他把數條鮮魚放到鍋中煮熟，只見隨著溫度及湯水滾起，湯底都從清變濁，最後事主更原條從鍋中撈起享用。事主更於留言欄中表示，自己下午6點打到晚上9點40分，足足打了3個多小時。

網友留言兩極化！大讚識玩 大家樂一定咁食 VS 你真係好意思！

帖文一出，引來不少組員熱烈討論，當中留意更現兩極化，有支持事主及大鬧事主兩派。

支持派

有網友大讚事主識玩，更表示去大家樂打邊爐一定咁食。而原來不止事主一人試過，有其他網友都試過帶肥牛到大家樂用餐。更有精打細算的網友叫事主下次可以買多少少配料，單叫一鍋火鍋，一家幾口一齊享用！

反對派

不過亦有網友持相反意見。除了留言詢問事主在哪裏清潔魚外，亦大鬧事主「可唔可以唔好咁癲！嗰啲火煲唔到太高溫，殺唔晒啲菌㗎」、「你真係好意思，返屋企打啦！」。也有網友替店舖抱不平，直言「快餐店多X謝你！」。