鬧市BBQ場
鬧市BBQ場

鬧市BBQ場 罕有煙花景! 4個半鐘任飲任燒 |灣仔食乜好|

飲食

廣告

平時BBQ場,通常地點偏遠,交通不便。想不到謝斐道竟然有鬧市BBQ場 ,仲有靚海景,在王子酒店天台,出電梯再行樓梯上,很有私竇feel。場算細,只容納7個爐,每爐規定至少要夠6人,閑日如夠40人,亦可包場。

撰文:Lisa|攝影:Mark

鬧市BBQ場 ! 睇住維港任食

今次這個地點,主要都是sell地點。第一,位於灣仔,大量巴士及鄰近港鐵站,真的玩到幾夜走都得;第二,賣風景。天台BBQ面向灣仔運動場望見維港靚夜景。時常來這區的朋友應該都知道,一條街雖然有幾間私人酒吧式天台BBQ場,但任飲任食又真的不多,而且樓層高到24樓,可從高角度欣賞維港的確吸引。

論價錢,收費算勻真,一個價錢,不分時段,全包任食,沒有額外收費用。起爐有專人負責,廿多款食物,自助任拎,大路貨,但質素不賴,豬牛雞扒金沙骨魷魚紅腸廚師腸金菇粟米齊備,雞翼都有4款口味,按訂單日日醃製,已解凍的絕不留隔夜。

調味品齊全任用,可以自攜海鮮,不另收費。飲品亦自助,各式汽水,連鴻福堂都有,細心。無遮無擋,落雨怎辦?放心,有帳篷,可擋微雨,臨海風猛,太大雨,還是建議改期。最後送你小貼士,全場最正乃圖中角落位,影相最靚,熟客訂位時都識得指明預留,知點做喇﹗

King’s BBQ
地址:灣仔謝斐道297號王子酒店24/F頂層(顯示地圖
營業時間:6:30pm-12:30am
收費:平日$268、星期五、六、日,假期及前夕$298(節日及煙花日另計),每爐至少6人。
訂座電話:6313 2928、6313 9328
備註:不設加一,收現金(如以信用卡付款,須加一服務費),必須預訂。

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..