(圖:IG@hkfoodivore)
 (圖:IG@hkfoodivore)

馬鞍山限定 鐵觀音雪糕?

飲食

廣告

最近興起咗一陣抹茶的狂熱,好似咩甜品都可以同抹茶扯上關係,抹茶心太軟、抹茶梳乎厘… 但喺茶的世界又豈止抹茶可以做甜品,鐵觀音都得!鐵觀音味雪糕你又試過未?


馬鞍山新港城中心的天仁茗茶最近新推出咗鐵觀音味雪糕,原價$22,而家試食價只係$10,聽落真係幾吸引!不過呢款鐵觀音味雪糕就只係馬鞍山分店先有,仲要下晝兩點之後先有得賣,遲少少去都已經賣哂!

(圖:IG@hkfoodivore)

究竟呢款鐵觀音味雪糕是味真係咁好味呢?網友評價就話,雖然叫鐵觀音味雪糕,但實質食落比較甜,仲好重奶味添,幾乎食唔出有鐵觀音的茶味。如果以$10呢個價錢試食都算抵,雪糕質感都幾滑,無冰粒,夏天食的話就要食快啲,因為而家呢啲天氣都已經融得快,不過如果佢變返原價,好多網友就覺得唔值得買喇!

止於其他分店幾時有得賣,天仁茗茶就話要遲啲先公佈!如果真係想一嘗鐵觀音味雪糕,就記得要捕住馬鞍山分店兩點左右的時間去買,咁就一定唔會空「口」而回啦!

地址:馬鞍山新港城中心四期2樓2038號舖

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..