餐廳廚房
餐廳廚房

餐廳廚房員工爆料!回收凍檸茶重用、豆腐變壞加辣闢味!超噁心|飲食熱話

飲食熱話

廣告

餐廳廚房員工爆料!眼不見為乾淨!如果有做過餐廳,都應該好明白呢個道理。香港餐飲業其實有很多害群之馬,尤其是很多「不拘小節」的廚房佬,污糟程度可以超乎想像!最近有網民於連登討論區發出「一人一個做過廚房既噁心回憶」貼文,引來不少人回應。當中最噁心的,是有餐廳前職員指回收客人飲剩的凍檸茶再畀客人飲,所以無限Refill飲品是「伏中之伏」!

餐廳廚房員工爆料!凍檸茶循環再用 飲多人口水!

餐廳有小強出沒,對於一般人而言已是「家常便飯」的事件,在衛生程度方面而言已是屬於「低Level」的事情。最近有網民在討論區以「一人一個做過廚房嘅噁心回憶」發文,集合從事餐飲業的見聞,誰知真相實在太恐怖!當中最噁心的其中一件事,有網民指自己曾在銅鑼灣一餐廳住職,「當時餐廳玩無限refill凍檸茶,客人多到煲唔切茶,檸檬片唔夠,製冰機頂唔順,連杯都洗唔切,最後嘅解決方法係回收出面飲剩嗰啲,再組裝成為新嘅一杯。」

餐廳廚房 餐廳噁心事 凍檸茶 網民以「一人一個做廚房的嘔心事」為題發文示意圖,非當事人)
網民以「一人一個做廚房的嘔心事」為題發文(示意圖,非當事人)(圖片來源:《夜香鴛鴦深水埗》截圖)
餐廳廚房 餐廳噁心事 凍檸茶 員工爆料指無限Refill凍檸茶是最噁心的事
員工爆料指無限Refill凍檸茶是最噁心的事(圖片來源:Unsplash@sosoalso)

臨收舖唔好叫麻婆豆腐!變壞食咗都唔知!

另有網民指家人開餐廳時亦有噁心事發生,指「有次臨近收工,有客人嗌麻婆豆腐飯,因為豆腐易壞又平,一般都掉咗佢唔過夜,點知師傅喺垃圾桶到拎返嚿豆腐上嚟沖沖水,再加啲辣醬同蒜頭闢味就煮畀個客」、「有幾次諗住拎張手寫單入廚房,見到炒嘢個師傅跌咗碟星洲炒米落地下,佢一隻手揸返起放落隻碟到,兜都唔兜一下就照拎出去畀客食。」

餐廳廚房 餐廳噁心事 凍檸茶 網民指切勿在收工時段叫豆腐飯
網民指切勿在收工時段叫豆腐飯(圖片來源:李錦記網站)

亦有網民指尖沙咀一間日式食店會把蟹殼、生蠔殻全部洗過重用,「啲蟹膏係另外啲包裝蟹膏擠出嚟,都唔知係咪蟹膏」;連鎖店亦不例外,有自稱員工的網民指「燒味部散仔推手推車拎十幾廿隻燒鵝搭𨋢去樓下外賣部,點知入𨋢發生小意外,成車燒鵝跌晒落𨋢地下,佢徒手執番上架車仔照樣送去外賣部。」

無限Refill等於無限飲人口水

網民得悉後指,雖然餐廳廚房有衛生問題一向不意外,但行內爆料的內容太誇張,指無限Refill最嚇人,斥「無限refill先唔理賺唔賺到,根本做死伙記」、「免費先係最貴,睇醫生都唔知要用幾多錢」、「無限Refill等於無限飲人口水,諗起都想嘔」、「整唔切咪話停止供應囉,係咪傻㗎」、「環保檸檬茶,真係多謝晒」。

餐廳廚房 餐廳噁心事 凍檸茶 網民指餐廳衛生情況太噁心示意圖,非當事人)
網民指餐廳衛生情況太噁心(示意圖,非當事人)(圖片來源:《加油吧威基基》劇照)

原文刊於GoTrip

關鍵詞
飲食熱話
圖片來源:《夜香鴛鴦深水埗》、《加油吧威基基》、李錦記網站、Unsplash@sosoalso