【美食資訊】限時$488即歎韓牛！品嚐韓牛前必睇3大小知識

Oct 10 2023

講起韓國美食，相信大家第一時間除咗會諗起KIMCHI，另一樣會諗起嘅一定係韓國人嘅靈魂食物—韓牛！韓牛大家就聽得多，但大家對韓牛嘅認識又有幾多呢？即刻睇吓以下3個韓牛小知識了解更多有關韓牛嘅資訊啦！適逢一年一度嘅韓牛日即將來臨，今年韓國農水產食品流通公社香港支社就特別聯同知名扒房The Steak Room推出全新限定餐單，等大家可以用優惠價錢品嚐到韓牛，感受韓牛獨特嘅魅力！

韓牛小知識1. 韓國牛並不等於韓牛

唔好以為所有韓國牛肉都係韓牛，其實韓牛有極高嘅生產標準㗎！只有喺韓國土生土長嘅特定品種先可以稱為韓牛，佢唔單止受到國家級管理以確保有優良基因，每隻韓牛都必須經過精密計算下以人工授精方式誕生，而且韓牛所食嘅飼料都經過嚴格挑選，以有機榖物、草混合而成，令韓牛嘅肉質都具有大理石花紋，均勻嘅脂肪同蛋白質令韓牛食落軟嫩而不油膩，同時具有獨特風味及略帶甜味，絕對會令人一試難忘！

韓牛小知識2. 11月1日為韓牛日

自2008年起，韓國韓牛推廣協會就將11月1日訂為韓牛日，除咗因為11月1日代表1嘅三條1，喺象徵韓國文化和飲食嘅韓牛中加入咗”最棒、最棒、最棒”嘅意思，今年已經係第15屆韓牛消費慶典，韓國當地唔同超市都會推出韓牛優惠㗎！

韓牛小知識3. 韓牛等級主要以西冷部位作指標

同其他國家嘅牛肉一樣，韓牛亦都有自己獨特嘅評級制度。一般而言韓牛會以牛隻第13條肋骨，即係西冷部位嘅切割面為指標，並根據呢個部位嘅脂肪分佈、肉色及脂肪顏色去判斷其品質，當中以1++為最高級別，其次為1+、1、2及3級，再根據牛隻實際可使用嘅肉量百分比分為A、B、C 三個級別。而頂級嘅1++等同於A5日本和牛，帶有油脂甘香而鮮嫩多汁，再加上入口即溶嘅口感，正！

韓國農水產食品流通公社香港支社 x The Steak Room推出限時餐單低至$488即歎韓牛！

適逢一年一度嘅韓牛日即將來臨，為咗令大家可以用貼地嘅價錢去感受韓牛嘅魅力，今年韓國農水產食品流通公社香港支社特別聯同著名嘅高級扒房The Steak Room推出全新限定「韓牛套餐」，由10月14日起至11月10日大家就可以用低至$488嘅優惠價錢品嚐到多種韓牛美食，無論係情侶約會又或者係同屋企人、朋友聚會都一樣咁適合！