韓國Tom N Toms咖啡店到港! 3大韓式吐司出擊 |沙田有咩好食|

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Mar 23 2016

韓劇成日都有咖啡店嘅場景，有冇諗過喺香港都可以感受到置身係韓式咖啡店嘅感覺？隨時ready上演番一場韓劇嘅浪漫邂逅劇情。有間韓國周圍都見到嘅咖啡連鎖店，早排開咗喺澳門，吸引到唔少人去，相當羨慕！但到咗下星期四，喺香港嘅朋友仔終於唔駛羨慕，事關Tom n Toms Coffee喺香港開分店啦！

趁呢個機會講下少少呢間野係咩料，查實Tom n Tom大有來頭，全球共六百幾間分店，單單韓國就有四百多間，隨時多過Starbucks！咖啡豆來自韓國烘焙工廠，自家烘焙出韓國人喜愛嘅口味，除咗咖啡，仲有必食嘅韓式Toast，有多款引死人嘅口味，其中蜂蜜牛油同蘋果桂皮吐司都相當受大家歡迎，希望嚟到香港會keep到水準啦！

除咗咖啡之外，多款水果沙冰同水果乳酪沙冰一樣咁受歡迎！

想知道更多香港店詳情就要密切留意新假期Facebook專頁喇！