水門雞飯全新副線！雞記冰室進駐荃灣：常餐＋芝士菠蘿包＋晚市小菜

水門雞飯副線「雞記冰室」荃灣插旗！

水門雞飯以平、靚、正深得民心，近年不斷開設分店和擴大版圖，剛於荃灣和油塘開設分店的水門雞飯更加踩過界，於荃灣開了間全新副線「雞記冰室」！雞記冰室跟水門雞飯有點分別，分別供應港式早餐、多士三文治、晚市小菜等，價錢最平$25有交易，即使是叫餸食飯，都是$70就食到，是平民恩物啊！

踩過界做冰室！必試：餐肉蛋芝士菠蘿包＋特濃凍奶茶＋晚市小菜

雞記冰室走港式茶記路線，早、午、晚3餐都有供應。早餐最平$25就食到，分別有三文治多士類、公仔麵、常餐，當中客人們最推薦是餐肉流心菠蘿包，半流心雞蛋搭配邪惡午餐肉，整個配搭好肥仔啊！另外，還有特濃凍奶茶，老闆指出飲完夜晚可能會失眠，濃度高，奶茶愛好者可以挑機試試。

除了常餐和下午茶外，冰室晚市更有「晚市快餐」和「晚市小菜套餐」提供。快餐分別有A-F共6款供應，包括是日蒸餸、生磨沙薑雞飯、葱花麻婆豆腐飯、黯然銷魂飯、薑蓉雞扒／豬頸肉煎蛋飯和燒味飯，套餐會跟配白飯、例湯和熱飲，最平$55，價錢實惠又親民！

同時亦有晚市小菜套餐供應，一道餸套餐價錢由$70起，三餸則$168，可以選擇的小菜款式亦不少，如粉絲雜菜煲、椒鹽海蝦、蒸肉餅、涼瓜炆鴨／火腩、脆皮腩仔等。除了新開了雞記冰室，水門雞飯最近亦進駐了鯉魚門，不知道下一站開喺邊度呢？

• 餐廳：雞記冰室
• 地址：荃灣楊屋道138號樂悠居樂悠商場一樓5號舖及27號舖
• 營業時間：11am – 9pm（星期一至五）、9:30am – 9pm（星期六、日）