年度食材 雞翼 母親節 雞翼,年度食材,烹飪班,花雕醉雞
年度食材 雞翼 母親節 雞翼,年度食材,烹飪班,花雕醉雞

【年度食材冠軍雞翼】現場直擊!新假期 x 煤氣烹飪中心母親節雞翼烹飪班 母子/女雙人拍住上溫馨煮雞翼餐過節!

飲食

廣告

下星期就到母親節,有否想過如何慰勞自己的母親大人?不如煮大餐給媽媽食,令佢有一個難忘的母親節啦!《新假期》聯同Towngas在5月初舉行3班特別的烹飪班,第1日請來Annie(黃婉瑩)星級導師親授煮雞翼的秘技。每堂會有2款雞翼菜式,加一道甜品示範,又會有實習。今堂Annie會教大家煮「泰式香葉炒雞球」、「花雕醉轉灣」及「薑汁南瓜露」。短短3個鐘足夠你學兩度散手,脫離地獄廚神的行列喇﹗現在更透露這3款食譜給大家!

撰文:Sam 攝影:Scott

雞翼高票勝出!年度「我最喜愛食材選舉2019」冠軍

《 新假期 》早前舉辦了年度「 我最喜愛食材選舉2019 」,希望更了解香港人口味,當中有10款搜尋率最高的話題食材,供讀者投票,歷時2個月的投票,冠軍食材終於誕生,由雞翼以31,816當選,成為港人2019年度食材冠軍!

雞翼,年度食材,新假期,烹飪班,母親節

 

現場直擊!新假期 x 煤氣烹飪中心 親子雞翼烹飪班

記者到現場發現,有不少子女攜同母親一同參加烹飪班,約有20人左右。課堂一開始,Annie會先講解雞翼不同部分煮法,然後由切、醃製和煮雞翼等等過程都會詳細示範,學員亦可以隨時發問,Annie會為大家一一解答。示範完便到學員親自下廚,Annie會與助手從旁協助大家,子女與母親一起下廚,場面好溫馨!

雞翼,年度食材,新假期,烹飪班,母親節
今次親子烹飪班約有20人左右,母子母女一起下廚「煮飯仔」。
雞翼,年度食材,新假期,烹飪班,母親節
Annie首先會將雞翼的第一節去骨做雞球,尾兩節做醉雞。
雞翼,年度食材,新假期,烹飪班,母親節
等Annie講解完畢,大家開始下廚實習。

1.泰式香葉炒雞球

多名學員表示起骨步驟最困難,Annie表示,「一啲都唔難,最重要係把刀夠利,對準位就好易起(骨)。」

雞翼,年度食材,新假期,烹飪班,母親節
烹飪班會為大家準備食材和工具。

材料:

300克雞肉、3-4片檸檬葉(要撕開)、半個紅洋葱(切條)、1隻紅辣椒(切角)、1-2隻指天椒(持圈)、1/2-1茶匙紅咖喱醬(可用少許油拌稀)、1-2棵九層塔(取葉)

雞翼,年度食材,新假期,烹飪班,母親節
泰式香葉炒雞球
雞球是用雞鎚起骨而成,香軟彈牙,加上撲鼻的紅咖喱香,這道充滿泰國風情的菜式,令人胃口大開。

醃料:

1茶匙紅咖喱醬、1湯匙魚露、1茶匙糖、1茶匙生粉

做法:

  1. 雞肉沖淨及抹乾,切小件,與醃料拌勻待片刻。
  2. 燒2湯匙油爆香雞件,加檸檬葉、辣椒、紅洋葱及咖喱醬一齊炒至香味溢出。
  3. 雞熟後加獻汁,最後加九層塔葉快手兜數下,上碟。
雞翼,年度食材,新假期,烹飪班,母親節
Annie指,落獻汁炒雞球時,要邊炒邊倒,這樣才能保持食物的溫度,令食物的味道達致最好。

2.花雕醉轉灣

除了泰式香葉炒雞球,Annie還教另一款菜式「花雕醉轉彎」。

雞翼,年度食材,新假期,烹飪班,母親節
花雕醉轉彎

材料:

6隻雞翼、1湯匙薑汁、1 1/2茶匙鹽

花雕醉雞汁:

1/2杯花雕酒、1/2杯糟鹵

做法:

1.雞翼沖淨,先用薑汁搽勻,再搽上鹽,醃15分鐘。

2.把雞翼排放碟上﹐隔水用中火蒸10-12分鐘。取出,蒸好的雞翼用飲用冰水浸涼、使皮爽脆。斬件或保留原隻。

3.花雕醉雞汁拌勻試味,可隨意加些糖及多些花雕酒使酒味更濃。

4.把雞翼排放一深碟內,加花雕醉雞汁浸過雞翼,待數小時,或放雪櫃至翌日成涼菜。

雞翼,年度食材,新假期,烹飪班,母親節
Annie指,花雕酒的份量因個人喜好而定,若想酒味更濃,份量可以多一點點。

3. 薑汁南瓜露

教完2款雞翼菜式,Annie還示範煮糖水,「薑汁南瓜露」,由買南瓜到煮糖水的過程都一一為大家講解。

雞翼,年度食材,新假期,烹飪班,母親節
Annie指日本南瓜適合做甜品,建議大家到街市選購,因為相比超級市場,價錢最平。

材料:

1000克南瓜、150克薑、8-10碗水、適量冰糖或白糖調味(可配小丸子、有餡湯丸)

做法:

1.南瓜去皮切粗粒;切出8厚片薑及預備2-3湯匙薑汁。

2.南瓜及薑片放水內煮至南瓜腍爛及薑味香濃。取出薑片。然後放攪拌機內攪成香滑糊狀。

3.放回鍋內,加入適量糖煮溶。最後多加些薑汁即可品嚐。

註:可加入煮熟小丸子、有餡湯丸更為豐富。

雞翼,年度食材,新假期,烹飪班,母親節
Annie今次加了有餡湯丸,令南瓜露口感更豐富。

學員:學到嘢!烹飪技巧簡單易明

學員Esther與男朋友的媽媽來學煮雞翼,她指Annie教得非常好,「風趣幽默,由教揀食材到刀至煮食技巧都解釋得好好,好仔細又簡單易明!」

Esther表示,她們有做好分工,男朋友媽媽負責切、她負責調味,大家一齊煮的時候,她們會互相提點和補位。
Esther表示,她們有做好分工,男朋友媽媽負責切、她負責調味,大家一齊煮的時候,她們會互相提點和補位。
Esther認為,成個過程最難就是將雞翼起骨。
Esther認為,成個過程最難就是將雞翼起骨。

學員Calwan指,自己都有下廚經驗,「成個過程都開心,媽咪幫到我好多,因為我拎平時拎細刀或者剪刀煮嘢食,驚拎大菜刀。」他表示,平時煮西式菜式多,所以覺得今次烹飪班好有挑戰性。

Calwan媽媽指,「佢無越幫越忙已經叫做幫到手。」
Calwan媽媽指,「佢無越幫越忙已經叫做幫到手。」

Calwan最滿意是泰式香葉炒雞球,「炒出黎真係好香,而且顏色配搭都好鮮豔,配料十足超級豐富,味道唔會話好濃味,但係辣辣地幾惹味,色香味俱全!」

Calwan媽媽指,Annie教導十分詳細,令她學到好多煮食技巧。
Calwan媽媽指,Annie教導十分詳細,令她學到好多煮食技巧。

學員KaKa因母親沒有空,決定自己一個挑戰煮雞翼。她指,自己不懂烹飪,雞手鴨腳,但想嘗試來上堂學廚,「好好嘅嘗試,想整畀媽媽食,自己都可以食埋一份。」

KaKa表示,「 我未試過片生肉,諗返起都心有餘悸。」
KaKa表示,「 我未試過片生肉,諗返起都心有餘悸。」
KaKa最後順利完成菜式,「第一次咁落手落腳煮,好玩同時又好辛苦,估唔到煮到出黎仲食得,都幾好食。」
KaKa最後順利完成菜式,「第一次咁落手落腳煮,好玩同時又好辛苦,估唔到煮到出黎仲食得,都幾好食。」

學員Tiffany表示,「因為我媽咪屋企好悶,所以帶佢嚟玩,」煮完2款菜式後,她指上完堂令她重拾一點點信心,母親節會嘗試煮大餐,如果母親肯食的話。

Tiffany指,「我哋兩個攜手合作做出一個驚世傑作!」
Tiffany指,「我哋兩個攜手合作做出一個驚世傑作!」

 

錯過咗今次雞翼烹飪班嘅朋友,唔使擔心,我哋將會聯乘更多品牌合辦有趣年度食材-雞翼活動,記得密切留意住我哋嘅介紹喇!

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..