長洲太平清醮2016
長洲太平清醮2016

長洲太平清醮2016 ! 平安包產品+9大名物推介

飲食

廣告

今個星期六(14/5)就係一年一度嘅佛誕,意味住 長洲太平清醮2016 嚟喇!喺睇飄色同搶包山比賽嘅同時,大家又可以入長洲掃街搵好嘢食,今次就推介返9項長洲名物,等大家可以睇完飄色,即刻醫肚!

 

長洲太平清醮2016

長洲太平清醮又稱為「包山節」,相傳清朝中葉長洲瘟疫為患,居民的生活苦不堪言,於是有人建議向北帝神祈福,並帶著北帝神像在長洲的大街小巷遊行,後來疫症真的被消除。從此之後,長洲每年的農曆四月都會舉行太平清醮,更成為國家級非物質文化遺產,是香港其中一個至架勢的民間慶典!

應節平安包

嚟太平清醮,又點可以唔買返個平安包應節兼保平安呢?平安包除咗可以食,仲有唔少長洲小店出咗平安包特色產品,大家都可以支持小店、支持本土創作呀!

長洲雜物房(@cheungchaustore)張貼的相片 張貼

小 島 品 味(@little_island_little_taste)張貼的相片 張貼

小 島 品 味(@little_island_little_taste)張貼的相片 張貼

上年仲有人用汽球扭咗醫神,喺佢個肚腩上畫上平安包嘅圖案添!唔知今年仲有無呢?

Hailey C(@haileyc)張貼的相片 張貼

長洲9大名物推介

根據傳統,長洲居民於太平清醮期間會食素,島上多數食肆亦會暫停出售肉類製品,就連M記都只會出素包。不過星期六下午飄色過後,就會開始重新出售各種小食,今次就同大家溫定書,揀定睇完飄色想食咩啦!

1. 炸芒果糯米糍 $20/1

次次入長洲都一定要食芒果糯米糍,近期賣到出市區都有得食!今次搞搞新意思,試吓炸芒果糯米糍!當然唔少得仲有炸榴槤糯米糍可以揀啦。呢個炸糯米糍賣點仍然係大嚿,咬落啖啖肉,口感唔同炸雪糕,可以一試。

海傍美食店
地址:長洲海傍路30號地下(顯示地圖
電話:2981 9638
營業時間:07:00-14:00

2. 新式泰菜 香煎芒果糯米飯
青流由3位90後長洲原居民開設,將泰國街頭小食同年輕潮流帶入長洲。餐廳裝潢又靚,打卡呃like就啱晒喇!
手撕海南雞無骨,方便易食,必配油飯同辣椒醬,仲送胡椒冬瓜湯,大滿足!

手撕海南雞飯 $30

除咗芒果糯米飯之外,仲有煎糯米飯。外脆內軟,加埋椰漿同烘椰絲,好fresh!

芒果煎糯米飯 $32
Banana Roti係泰國嘅街頭小吃,烤餅皮配上新鮮香蕉,加上朱古力醬同煉奶,係必食嘅飯後甜品。

Banana Roti $20

餐廳裝潢完全睇唔出係間餐廳,唔講以為係間藝術館或者手作店,點知係食嘅!食飽仲可以行吓shopping,真係估佢唔到!牆上掛住好多復古畫、唱片封面,又藍又綠,有啲復古style,點解咁靚㗎?淨係影相都有排影呀!Post上Facebook一定好多like!

其實餐廳內仲有賣飾物,夏威夷襯恤,餐具等,全部都係店主親自到泰國採購,有置身於泰國夜市嘅感覺。

青流
地址:長洲金銀灣金豪閣10號地下(顯示地圖
電話:5440 0449
營業時間:12:00-20:30;逢星期三休息

3. 雪糕銅鑼燒 梳乎雪批
雪批以兩層厚身而鬆軟的,看似銅鑼燒般的蛋糕仔,夾著不同口味的雪糕。蛋糕及雪糕全部店家新鮮自製,仲有多款口味添!
除了必試的綠茶紅豆、朱古力脆脆等大路又大熱的口味之外,更有時令的限定口味,如金枕頭梳乎雪批,啱晒重口味的香港人。建議大家待雪糕半溶才食用,因半流質的雪糕令蛋糕更濕潤,口感更佳!

綠茶紅豆係梳乎雪批 $15 (圖片來源:Hkfoodprint食玩專車)

紅豆量少但綠味味算特出!

熊屋
地址:長洲大新後街114號地鋪 (顯示地圖
電話:6075 9838
營業時間:10:30am – 8pm

4. 芝士紅豆餅‬

鬆餅食得附,紅豆餅就更加食得多,不如試吓再加啲芝士,兩塊芝士夾住紅豆餡,完全想像唔到又鹹又甜嘅味道,都幾得意。

‪故鄉俱樂部‬
地址:長洲教堂路17號地下 (顯示地圖
電話:2981 5038
營業時間:13:00-22:00

5. 四寸厚爆醬西多士盒

足足4寸厚特厚爆醬西多士盒點可以錯過!糖醬加熱溶牛油超多,仲有內含自選6大味道的內餡味,一定要食!

圖片提供:Holimood

6大味道有朱古力‬、咖啡、綠茶、‪花生‬、‪藍莓‬、椰香俾大家自選,價錢仲要係$30!

紅點RedPoint (長洲•食)
地址:長洲新興街65號地下 (顯示地圖)
電話:2981 0303
營業時間:11:30 – 21:00 (逢星期四休息 – 假期除外)

6. 巨人的雞髀 大過你塊面
呢間長洲小食店實現賣的雞髀件件都比平常的大,好似去咗巨人國咁!這裡賣的雞髀件件都比平常的大,建議不要獨自吃一份,不然你肚子就裝不下其他美食了!

雞髀$25/件

新照記茶餐小食店
地址:長洲東灣道18號(顯示地圖
電話:2986 9006
營業時間:11am – 7pm

7.公仔迷必食!HELLO KITTY窩夫/鬆弛熊格仔餅

以明火燒的格仔餅,香港都沒多少間剩下了。老闆說他們用的雞蛋供應商質素非常好,不是這家供應商的雞蛋他們堅決不用,「沒有雞蛋就不賣好了。」霸氣老闆如此說。窩夫份量十足,比記者的手還要大,並有花生醬/煉奶/牛油任加。

Hello Kitty窩夫/鬆弛熊格仔餅$20/份
用明火煮食爐整格仔餅雖然甚有睇頭,但壞處是難以控制火喉,容易燒焦。
多多美食(金毛雞蛋仔)
地址:長洲新興海傍街81號地下(顯示地圖
電話:2981 2818
營業時間:星期一至日6am – 10pm

8. 拉絲芝士波 小清新藍檸檬梳打

餐廳位於海傍一帶,有海景,有音樂,一個人食個早餐,定係一大班人飲野傾計都超開心! 小食平均廿幾三十蚊,而且味道唔錯!如果夜晚撞啱有open night,會有樂隊即場夾 Band,超好氣氛!值得一提嘅係佢哋有賣手工啤酒,店主不時搜尋本地手工啤酒,啱哂啤酒迷。

炸Mozzarella芝士波 $26 芝士波外層炸到金黃色,超香脆!咬開外層可以拉絲,芝士迷must try!
拉到勁長!
Blue Lemonade $23 海水藍色的賣相 ,望落好清涼好有度假feel,檸檬梳打飲落係好清新!
Lychee Island $23 荔枝味好濃,唔會死甜!
吹住海風~超舒服!

THE PINK PIG MUSIC BAR AND RESTAURANT

地址:長洲建新里11號地下(顯示地圖)
電話:51800692
營業時間:12mn-8pm (有機會彈性改動)

9. 每日手製!長洲經典大魚蛋

講到長洲,點少得最有名的大魚蛋?不過長洲度度都有大魚蛋,點解仲要介紹先?雖然大魚蛋間間店鋪都有,但唔係間間都好食的啊!這間記者真心推介,試過真係想再食的衝動呢。

大魚蛋 $10/串
白魚蛋 $15/串
每粒大魚蛋都有接近5cm。

很多地方的魚蛋只有粉味沒有魚味,但這裡的魚蛋,不論白魚強還是大魚蛋都有濃濃的魚味,大魚蛋真係落足料啊!

甘永泰
地址:長洲新興街106號地下(顯示地圖
電話:2981 3050
營業時間:星期一至六7am – 5pm,星期日與公眾假期:7am – 6:30pm

提提大家,去長洲睇飄色又好,掃街又好,都記得要保持地方清潔,帶走垃圾呀。

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..