銅鑼灣廣場2期
銅鑼灣廣場2期

聖誕家人相聚之選 銅鑼灣 中日 節日飯聚 推介 @Dining娜

飲食

廣告

(Presented by CWB2)

聖誕狂歡去玩前,我每年點都抽空同最愛屋企人食食飯,唔一定要聖誕大餐先開心嘅,一家人溫溫馨馨咁食一頓晚飯,都夠晒暖意萬分~ 銅鑼灣廣場2期 呢度齊集晒城中最熱門嘅中式酒樓及火鍋選擇,既有傳統秘方小菜、新派創意粵菜、名貴鮑參之選等等,而且地點夠方便,食飽飽同爹啲媽咪去睇埋燈飾感受節日氣氛,簡直perfect呀!

1. 新派x傳統潮式風味 潮江春

細細個就聽過呢間酒家,咁多年來不斷推陳出新,以「正宗潮菜、現代演繹」為基礎,在傳統潮州菜中,加入新派元素,令食客不停有驚喜,當中的潮洲名菜同滷水美食更加係指定招牌菜,例如好百年滷水鵝片、潮州黃金煎伊麵、潮州家鄉煎蠔烙、砂鍋普寧豆醬雞等等,係咪自己人都一定合口味啦。

(潮江春:2樓,電話3692 5050)

2. 手工廣東粵菜 翠園

呢間喺 銅鑼灣廣場2期酒家,係平時同媽咪飲茶指定選擇,招牌花膠瑤柱灌湯餃、原隻鮑魚荷葉飯、筍尖鮮蝦餃都係我哋每次必食。事關酒家由多年老師傅坐鎮,主打傳統手工廣東粵菜及點心,四十多年來以風味十足的廣東口味,演繹成多變的巧手菜式,例如鐵板叉燒、士多啤梨脆肉排都係人氣之選,今次媽咪都一定滿意。

(翠園:3樓,電話2573 9339)

3. 澳門台山水佬榮海鮮火鍋專家 登陸 銅鑼灣廣場2期

我班火鍋控朋友搶住要試呢間來自澳門以螃蟹鍋聞名的水佬榮,人氣一直高企,最出名係極品花蛤蟹鍋。唔少名人好似蘇施黃都係捧場客,都專登一試其招牌海鮮鍋,全部份量十足,而且鮮味無窮,其海鮮鍋做埋湯底,再品嘗超正火鍋鍋料就完美晒啦~唔單止同屋企人,約埋成班friend食埋超巨大航母海鮮鍋同辣汁花甲雜菌蟹煲,聽到都流晒口水呀!

(澳門台山水佬榮海鮮火鍋專家:5樓,電話2866 1111)

4. 古法烹調名貴食材 名苑酒家

呢間一直深得婆婆喜愛,因為佢以傳統古法製烹調而聞名,擅於處理名貴食材,經典招牌菜包括有清宮明火雞煲翅、上海千葉滑豆腐、乾清棗皇糕等等。近年更不時加入健康元素,例如以亞麻籽及藜麥入饌,好似呢款健康名貴套餐,以藜麥宮廷皇燒翅,配健康雞沙律及6頭鮑魚及鵝掌,啱晒同長輩健康食啦。

(名苑酒家:7樓,電話2893 1038)

5. 米芝蓮食府推介 太湖海鮮城

不少食客慕名而來、多屆的「米芝蓮美食推介餐廳」(2009-2011年、2013-2017年),以及得到旅遊發展局頒發嘅「美食之最大賞」等,獲獎無數。最深受歡迎包括有鎮店名菜桂花梅子燒鵝皇,燒鵝混入桂花同梅子清香之中,把食材發揮得淋漓盡致,啱晒高要求嘅你!

(太湖海鮮城:9樓,電話2893 9882)

6. 巧手宮廷菜 富東海鮮酒家

由「鮑魚大王」楊貫一高徒林永春師傅主理,堅持用原汁原味、不加味精製作所有巧手菜式,以真材實料烹調出食物之味。而且更深入鑽研不少宮廷菜如慈禧最愛的御用鮑魚寶貝雞、吉品鮑魚、炒魚翅等亦係高水準之作。林師傅還不時推出新菜式如新派點心炸蝦餃及養生杞子卷等,完全係爸爸心目中嘅最愛。

(富東海鮮酒家:10樓,電話2626 1100)

7. 嚴選極上靚和牛 德家日式燒肉、德興日式放題鍋

鍾愛日式放題嘅家人要總動員出動啦~兩家均以新鮮一級靚牛做賣點,食齊多個牛隻部位,包括極上牛肋肉、牛脊肉、牛舌、牛胸腹等,仲有刺身及海鮮選擇。燒肉定shabu shabu愛好者都一定夠晒滿足,食不停口。

(德家日式燒肉店、德興日式放題鍋:6樓,電話2573 9090)

8. 三小時任食放題 滿屋日本料理

鍾意日式放題千萬不要錯過,三小時任吃新鮮多款刺身、熱葷燒物、特色小食、甜品等過百款選擇。聖誕節日推介特製甜品及最新推出的 Häagen-Dazs 麻糬雪糕,任點任吃,一定同親朋好友過一個大滿足又溫馨的聖誕夜!

(滿屋日本料理:8樓,電話3622 3366)

9. 超滿足高質放題 極尚大瀛喜日本料理

刺身及壽司都係我心水之外,呢度最吸引食客嘅係佢嘅燒物,不論燒羊架、帶子,抑或鰻魚,通通都係人氣之選。

(極尚大瀛喜日本料理:11樓,電話3188 8008、3622 1116)

10. 聖誕應節特飲 Starbucks

晚飯過後同屋企人欣賞銅鑼灣聖誕裝置之餘,不忘飲返杯充滿節日氣氛的聖誕樹朱古力咖啡,咁就夠晒完美啦。

(Starbucks:2樓 電話2259 9375)

銅鑼灣廣場2期

地址:銅鑼灣駱克道463-483號(港鐵銅鑼灣站C出口)

泊車:附設停車場,B2樓,設置2個中速充電裝置。

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..