車仔麵
車仔麵

車仔麵推薦|全港13間車仔麵推介!永年+三不館+合興

飲食

廣告

車仔麵推薦|說起車仔麵,除了是香港飲食界代表外,更是每個港人的童年回憶。熱辣辣的湯底,嚼勁十足的麵線,配上各種心水配料,真係大滿足!今次記者就集合全港13間最受歡迎嘅車仔麵小店,例如永年、三不館、合興,找出你心中的車仔麵店。

米線店推介

車仔麵推薦|全港13間車仔麵推介!大大條咖哩魷魚+秘製地獄級辣醬

  1. 香港區
  2. 新界區
  3. 九龍區


香港區

車仔麵推薦|香港區|1. 銅鑼灣麵尊車仔麵 秘製咖哩辣汁

座落於銅鑼灣的麵尊,店舖門面乾淨利落,內部裝潢以中式紅磚為設計概念,店內主打車仔麵。一到Lunch hour這裡便會大排長龍,想朝聖的朋友記得早點到!湯式浴用偏甜的腩汁,推薦加上咖哩香辣汁,風味更獨特。多款配料餸菜任君挑選,包括豬大腸、冬菇、貢丸、豬紅、魚旦等。記者最愛豬大腸及豬紅,滷得非常入味,又不會太爛,依舊有嚼勁。

  • 餐廳:麵尊
  • 地點︰銅鑼灣登龍街18號V Point地下5號舖
  • 電話:23263062
  • Facebook專頁:麵尊
  • 備注:另有上環分店

車仔麵推薦|香港區|2. 榮記粉麵 最多5款餸

車仔麵名店,由小巷街邊檔起家,店子很逼,尤其午市,人氣很旺,最好選下午茶時分幫襯。小店出名規矩多:不可加單、不可改餸,而且每碗最多點5款餸,不能貪心。這裡主打車仔麵,自家製的大腸、牛筋肚,都是必食之選。另外,配菜蘿蔔都好爽口,清甜無渣;豬皮亦彈牙。

  • 餐廳:榮記粉麵(銅鑼灣糖街分店)
  • 地點︰銅鑼灣糖街27號A地下
  • 電話:28082877
  • 備注:另有銅鑼灣渣甸街分店、黃大仙分店

車仔麵推薦|香港區|3. 灣仔車仔麵之家 豬骨熬煮濃郁湯底

60多年前街邊檔起家,除了捧着麵立食吃的特色,咖喱魷魚最馳名。多達19款餸料全部都是傳統經典選擇,酸齋外脆內軟;牛腩口感軟滑,五香味濃。湯底每日以雞骨、豬骨熬煮,又定時加新骨來熬,越熬越濃。麵條食落軟硬度剛好,加1、2匙招牌咖喱辣醬,錦上添花。每朝在廚房把阿根廷乾魷、自家製咖喱醬生炒爆香,濃濃咖喱香味湧出店外,魷魚炒得夠辣又入味。

車仔麵推薦|香港區|4. 柴灣財記粥麵 必試秘製咖哩魷魚

柴灣老字號車仔麵店,財記粥麵門面裝潢非常簡單,乍看並無特別,就是茶記一間,但原來內有乾坤!這裡的車仔麵深受街坊愛戴,尤其魷魚最受歡迎。連ViuTV都專程到訪拍節目,Error肥仔也說好食!可見其熱門程度。必試咖哩魷魚,非常爽口入味,嚼勁十足!湯底較為濃郁,可能食完會比較口渴。

  • 餐廳:財記粥麵
  • 地點︰柴灣吉勝街熟食市場7號舖
  • 電話:2558 1038

回到目錄

新界區

車仔麵推薦|新界區|5. 大埔三不館車仔麵 復古藝文青必到打卡

只有四百餘呎的三不館車仔麵店,可說是麻雀雖小,五臟俱全,大部分配料也是自家製。上全店復古設計,全部由老闆一手一腳設計,老香港味道濃厚,吃麵之餘同樣可以打卡呃like。湯底有多款選擇,其中茄湯,是大廚每日以本地番茄和牛茄鮮熬湯底起碼三小時,堅持不加茄膏,吃落味道尤其天然;而喜歡食辣的朋友亦可試試古法辣汁或得獎的麻辣汁,麻香上癮,可選辣度。蘿蔔炆得入味,很腍夠清甜,牛腩亦腍身惹味,醬燒豬頸肉爽滑彈牙。

  • 餐廳:三不館車仔麵
  • 地點︰大埔廣福道88號地下
  • 電話:28387988
  • Facebook專頁:三不館車仔麵大埔
  • 備注:另有荃灣、旺角分店

車仔麵推薦|新界區|6. 元朗 合興車仔麵 秘製地獄級辣醬

店舖小小的合興車仔麵,可謂麻雀雖小,五臟俱全,車仔麵迷必叫的配料應有盡有,多達30多款!最值得一提,這裡的秘製辣醬包你一試上癮!就連湯底都有辣度,味道十分刺激,但吃畢都會較為口渴。因為小店辣醬出名超辣,記得因應自己食辣程度叫車仔麵啦!

  • 餐廳:合興車仔麵
  • 地點︰元朗安寧路59號裕豐大廈地下A1舖
  • 電話:3486 9208

回到目錄

九龍區

車仔麵推薦|九龍區|7. 鴻運車仔麵 獨家酥炸貢丸片

地理位置十分方便的鴻運車仔麵,是一眾油尖旺區車仔麵迷食堂。必試之選一定是貢丸片,這裡獨家製造,其他地方吃不到!烤炸後的大大塊貢丸片,香酥有嚼勁,非常可口。豬大腸亦清洗乾淨,吸收湯底,非常入味。沙嗲湯底濃郁非常,加上辣汁,更為惹味!

  • 餐廳:鴻運車仔麵
  • 地點︰長沙灣永隆街12號地下
  • 電話:2728 8477

車仔麵推薦|九龍區|8. 尖沙咀 永年士多 10種配菜大碗麵

小店出名每款配料都會用不同的配方去調製,真正做到一餸一味。尤其於吃飯時段,門口更是大排出龍。必試之選有大碗麵,配菜包括有豬腸、魚旦、蘿蔔、豬紅、豬皮、雞翼、雞翼尖、魷魚、紅腸同菜,一次過滿足10種不同味覺享受!
味!

車仔麵推薦|九龍區|9. 佐敦 德運豬扒車仔麵 招牌酥炸鬆脆豬扒

位於鬧市中心的德運豬扒車仔麵,店舖簡潔,座位舒適,主打車仔麵。小店招牌配菜是豬扒,大大塊炸豬扒,鬆脆可口,每啖都非常有嚼勁,推薦豬大腸、豬扒、雞翼尖及蘿蔔。

  • 餐廳:德運豬扒車仔麵
  • 地點︰佐敦白加士街83號地舖
  • 電話:2358 3133

車仔麵推薦|九龍區|10. 旺角肥公車仔麵 濃郁腩汁湯底

日日大排長龍的肥公車仔麵,舖面小小,但卻捉住一眾車仔麵迷的胃!這裡有齊所有傳統車仔麵配菜,每款都吸收濃郁湯底,非常入味。記者最愛食油麵,粗粗的麵底,嚼勁十足。豬腸亦清潔得很乾淨,入口爽口彈牙。蘿蔔炆得很腍,有入口即溶的感覺。

  • 餐廳:肥公車仔麵
  • 地點︰旺角鴉蘭街地下5號C舖

車仔麵推薦|九龍區|11. 新蒲崗 回味車仔麵腩汁咖哩汁雙重享受

位於新蒲崗的回味車仔麵,店舖小小,座位亦不多,每逢lunch time都大排長龍。步入店舖後,首先要叫麵底、配菜及飲料,然後付款,再找位置坐下。記者以前經常光顧小店,必叫之選有豬大腸、漢堡扒、冬菇及雞串!記得加腩汁及咖哩汁,惹味非常!

  • 餐廳:回味車仔麵
  • 地點︰新蒲崗康強街32-34號康強洋樓9號地下
  • 電話:6579 9639

車仔麵推薦|九龍區|12. 旺角 明記麵食 大大粒爽口豬紅

座落於花園街的明記麵食,傳統港式茶餐廳裝潢,主打車仔麵。招牌配菜有豬紅,大大粒豬紅晶瑩剔透,咬落十分有嚼勁,不黐牙。每個客人都必叫豬紅!豬大腸比較厚身,但依然很腍,不會太硬,值得一試。

  • 餐廳:明記麵食
  • 地點︰旺角花園街174號地下

車仔麵推薦|九龍區|13. 彩虹 許記車仔麵 自家秘製沙嗲汁

許記車仔麵門面較為有特色,離遠已經能看到大大塊小店招牌,店內位置不多,可能需要等位。提供多款配菜款式,每款都吸收自家製湯式。最值得一提的是店主秘製的沙嗲汁!加埋炸蒜粒,真係帶出第二種層次!

  • 餐廳:許記車仔麵
  • 地點彩虹牛池灣龍池徑

車仔麵有哪一間灣仔推介推薦?

灣仔一間60年老字號,名為……詳情按此。

車仔麵湯底通常會用那些醬汁?

大多車仔麵都有腩汁、沙嗲汁供客人選擇。……詳情按此。

圖片來源:新假期編輯部