鰻魚飯
鰻魚飯

超抵食$68蒲燒鰻魚飯! 尖沙咀東京食堂 隱世日本料理登場

飲食

廣告

如果唔係地膽,很大機會搵唔到呢間東京食堂。小店隱身在柯士甸大廈內,企喺正面望去,你只會見到聯威茶餐廳,行入少少,就會見到低調大閘蟹老字號申聯,以及在左手邊的東京食堂。小店由Nick及阿樂兩位主理,落單煮嘢收錢抹枱送外賣全部自己一腳踢,想食比少少耐心等下啦~聽個名都知食日本野,但估唔到除了價錢平,食物質素一樣有誠意,大部份用料都是由日本供應商入口,日式飯都只不過是四五十蚊,價錢貼地,加上一兩份小食及串燒,一百蚊有食飽肚的滿足。同埋兩位暖男老闆傾下計(如果佢哋得閒),夠晒治癒啦~

蒲燒鰻魚飯$68(午市價錢)

用上大半條日本蒲燒鰻魚,及日本珍珠米,飯香軟腍,一人份量剛剛好。

大阪燒 $68(午市價錢)

今星期午市新出品!用上爆足料豬腩肉、椰菜絲、紫菜及木耳碎,再加上秘製燒餅汁,極大份,極大份,極大份!豬腩肉煎得好鬼脆,趁熱食超好味! 一個人千祈唔好點呢個,起碼兩個人先食得晒。

雞翼 $22/串,豬頸肉 $18/串(午市價錢)

都是今個星期新品!可選汁燒或鹽燒,以日本燒肉汁燒製,雞翼差不多燒起時再抹上蜜糖及以火槍封面,食落脆得嚟又帶蜜甜,豬頸肉爽口肉汁多,我食曬兩串都唔夠喉~~

 

汁燒鯖魚飯 $42(午市價錢)

鯖魚燒到外皮香脆,魚香味重,不過小心啃骨啊。

蟹肉忌廉薯餅 $12/件

入面有軟滑忌廉,脆卜卜口感,值得無限encore。

 

小店都只有10個座位,Book咗枱記得要去啊~唔去佢哋會好傷心嫁~

Minion本是朋友送的公仔,點知而家已經成為了打卡位,門口架單車喺佢地送外賣專用,一人份都送!

東京食堂就在三角公廁斜對面,武士拉麵告南門中間的窿入面,一不留神就會錯過。

穿過 柯士甸 大廈個窿,就會見到三間餐廳,東京食堂就在你的左手邊啦!

東京食堂

地址: 尖沙咀柯士甸路15A柯士甸大廈地下D舖 (顯示地圖)
電話: 5616 6159
營業時間:12:30nn-4pm,6pm-9:30pm

 

延伸閱讀:

築地人氣蝦湯拉麵 70隻蝦熬一碗湯|中環有咩好食|

Haagen Dazs 春季花花味道試食報告 @ Gigi東京生活情報

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..