【超市零食伏‧唔伏】叮叮咖喱飯VS榴槤爆谷 邊款領嘢?

為搶套零食市場呢塊肥豬肉,各大超市都出盡力搜尋各種聞所未聞、出人意表嘅零食。不過特別,又會唔會一定等於好味呢?買開零食嘅食家相信定會深深體會到零食都可以好有伏味。今個禮拜開始,我哋會抽出城中6大超市零食小食,由價錢到味道,同大家拆解邊款最好味、邊款最有伏味?

到底今次幫邊款零食驗身呢?6大超市零食分別有卜卜脆玄米片、蒜味極濃蝦條、方便叮叮咖喱飯、抵食曲奇忌廉甜筒生化榴槤爆谷及卡通浸浴茶

1. 卜卜脆玄米片

粟米片就食得多,原來家樂氏推出了日本版的玄米片,味道是黃豆粉加黑糖, 非常日本。開盒即時聞到濃郁的黑糖香, 食落不算太甜,輕輕滲出黃豆粉味道, 最後After-taste 才是玄米味。口感脆卜卜,當零食都一樣正。

售賣點:一田超市(觀塘店)
地址:觀塘觀塘道418號apm LG層(顯示地圖
電話:3955 1818

2. 蒜味極濃蝦條

卡樂B 最近頻頻出「辣招」。期間限定的避風塘炒蝦味的蝦條,聞落得蝦味,以為無咩料到,擺入口先刺激!除了真係有港式避風塘炒海鮮的炸蒜味,辣度頗強,有些少嗆喉。相比起似熱浪,無乜蟹味的辣椒蟹味薯片,這個有誠意啲喎。

售賣點:一田超市(觀塘店)
地址:觀塘觀塘道418號apm LG層(顯示地圖
電話:3955 1818
下頁續:方便叮叮咖喱飯 真係估唔到咁….

3. 方便叮叮咖喱飯(推!)

杯「飯」你試過未?日清這款咖喱飯,只需加水放入微波爐叮五分鐘就搞掂!最好叮完再焗一分鐘,待醬汁收至濃稠先食。咖喱味很香濃,辣度適中,最驚喜是連米飯都粒粒分明又彈牙!完全無中伏,份量頗多,一個人食都夠晒飽,好味!

售賣點:一田超市(觀塘店)
地址:觀塘觀塘道418號apm LG層(顯示地圖
電話:3955 1818

 

4. 抵食曲奇忌廉甜筒

早排有Kitkat 甜筒、Dreyer’s 意式甜筒,今期維記就出了個曲奇忌廉甜筒,只有7仔先有得賣,更一出賣斷市。雪糕有香濃忌廉味,內有曲奇餅碎夠足料,威化筒亦夠脆口,一支賣$9,絕對食得過。

售賣點:全線7-11便利店
電話:2299 1110

5. 生化榴槤爆谷(最伏!)

榴槤甜品大熱,早幾日發現了$9榴槤味爆谷,滿心歡喜地打開,點知傳出的竟是一股濃烈「膠」味,放入口試試,OMG!合埋眼真係食唔出榴槤味,不過爆谷本身喺甜甜哋又脆口,平平地買來過口癮都ok。

售賣點:營多東南亞美食市場(啟田店)
地址:藍田啟田廣場2樓237號舖(顯示地圖
電話:2907 9380

 

6. 卡通浸浴茶

最近興送茶包表心意,韓國出了一系列有主題、賣相可愛的花果茶包,有草莓太陽花味的初戀系列、香檳味大吉嶺紅茶的Oh!happy day 系列,仲有橙味南非茶Forest tea 系列,每個茶包都有可愛公仔紙牌,將紙牌掛好,公仔就好似係杯度浸浴,真係夠晒治癒!

售賣點:全線759阿信屋
電話:3960 9300

 

延伸閱讀:
麵包花心思!卡通可愛早餐【自家製】
變種咖喱!粉紅 vs 螢光藍 有膽?就試!

最新吃喝玩樂資訊