榴槤BB出零食！100%貓山王製爆谷＋蛋卷｜超巿買呢啲
撰文：Sakura、Helen 攝影：Tony、Scott、相關機構
榴槤BB出貓山王零食！
1. Durian BB 貓山王爆谷
榴槤BB經常搞搞新意思，繼舉行榴槤放題、榴槤市集和開設茶飲店後，今次竟然與優品360合作，推出一系列榴槤零食！當中部份選用的榴槤，更是來自馬來西亞自家果園，100%貓山王製成，製作認真絕不馬虎。其中率先介紹貓山王爆谷，打開就聞到好香榴槤味，爆谷脆口，食落榴槤味不會太濃，有淡淡榴槤味，是在家中一邊看電視一邊吃的最佳選擇！
銷售點：優品360
備註：榴槤BB系列會於8/4-10/4才開始發售
2. 榴槤威化餅
威化餅通常都是朱古力、雲呢嗱味，有點厭倦可以試下這款榴槤威化餅，榴槤威化餅在坊間很少見，打開榴槤香味很少，但咬落很鬆化，中間夾著一層薄薄的榴槤cream，令榴槤香味提升，但又不會偏濃，故適合一些不喜歡太重榴槤味的人吃。
銷售點：優品360
備註：榴槤BB系列會於8/4-10/4才開始發售
3. 貓山王榴槤蛋卷
記者推介，今款蛋卷同樣選用馬來西亞貓山王製，一盒有2大包，合共12條，份量都算多，打開好香榴槤味，入口好鬆脆，食落榴槤味好突出，而且細嚐會食得到蛋香味，味道濃郁，十分脆口。
銷售點：優品360
備註：榴槤BB系列會於8/4-10/4才開始發售
4. 貓山王榴槤脆脆
好得意！採用貓山王榴槤果肉製成的榴槤脆脆，是一款抽乾了水份，完全凍乾的榴槤果肉，細細粒呈正方型，很方便隨時吃，食落口感比較硬身，入口香脆，不失榴槤香，帶少許榴槤味，味道相對較甜。
銷售點：優品360
備註：榴槤BB系列會於8/4-10/4才開始發售
同場加映！
榴槤BB開台茶店！過20款特飲
其實榴槤BB近年十分積極，除了出零食，早前還推出榴槤特飲。現時主要提供貓山王和金包2款榴槤品種炮製的特飲，選用的榴連和市集、放題的一樣，皆由自家馬來西亞果園種植，貓山王帶果香回甘，金包甜度高。
此外，如覺得只有飲品太寡，旁邊連接著品鑒部，提供不少榴槤乾貨和榴槤拼盤，拼盤有齊5件不同品種的榴槤肉，一啖飲品一啖肉，好滿足！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
