奶黃糕
奶黃糕

【記者試食】賀年送禮!煙韌Q彈有椰香 餅店新口味奶黃糕!

飲食

廣告

還有大約一個月就到農曆新年,係時候準備賀年糕點送禮,或者招呼親朋戚友、姨媽姑姐,仲送蘿蔔糕、年糕?未免有點悶吧?今年就有餅店推出了奶黃糕,究竟好唔好食呢?即睇記者試食報告!

撰文:ning 攝影:Man

傳統工藝 1:4比例 椰奶、椰漿配奶黃

中秋節的奶黃月餅,相信很多人都食過,但奶黃糕就似乎坊間少見。這間本地餅店今年趁着農曆新年,推出結合椰奶、椰漿及奶黃的新口味至尊奶黃糕,以傳統工藝製作,餅廚師傅在研發的時候,為了突出椰香,更將椰奶、椰漿以1:4的比例混入奶黃中,令到口感和味道更豐富。

添加海藻糖 口感Q彈兼健康

有別於坊間的賀年糕點,這款奶黃糕特別選用了海藻糖,令到奶黃糕的質感更加Q彈;而且海藻糖甜味溫和,甜度較低,食落無咁甜膩,變相也更健康。

記者試食!煙韌有椰香!

事不宜遲!即刻切件、煎糕再試食!這款奶黃糕內裡混合了椰蓉,切開時都見到一點點白色椰絲。

而且非常易煎,只需小量的食油,慢火輕煎即可做出顏色金黃的賣相,夠晒應節。

煎糕的時候已經聞到陣陣奶黃香,食落就更香濃,奶黃糕內的椰香很突出,層次分明,加試椰絲的甜味,整體口感煙韌軟糯,比傳統年糕更特別。

同場加映 4大人氣傳統糕點

除了新口味奶黃糕,這間餅店還有數款賀年糕點,今年全部用上升級配方,味道更突出。

1.黃金糕

餅店人氣熱賣的賀年糕點,採用傳統印尼食譜再加以改良,保留了濃郁椰香,但不過甜,內裡更做到一絲絲的蜂窩孔,很花工夫。食時先蒸後煎,外脆內軟,口感鬆軟柔韌。

2.棗皇糕

選用新疆紅棗製作,濃郁的紅棗清香,食落煙韌彈牙,軟熟香甜。切件蒸熱就食得,健康又方便。

3.瑤柱蘿蔔糕

內有大量厚切的蘿蔔絲,再用上瑤柱及臘味來做,製作時無添加味精,原汁原味,口感豐富。

4.瑤柱芋頭糕

以大顆芋頭粒製作,啖啖食到豐腴的芋頭味道,配合瑤柱的鹹鮮,煎香後脆卜卜又香口。

聖安娜賀年糕品系列

銷售點:全線聖安娜餅屋

網址:https://www.sthonore.com/

查詢電話:2991 6677

備註:限時優惠推廣期由即日至2018年1月17日止

 

最新吃喝玩樂資訊