廟街 豬膶麵 店 必食$20薑蔥豬膶包!!|佐敦食乜好|

天冷冷,總想起維記 豬膶麵 ,但總有人嫌屈質,怕排隊,但邊個話食 豬膶麵 一定要去深水埗?最近,就出現了間裝修靚靚的 豬膶麵 專門店。而且店家更自創新產品「薑蔥豬膶包」,記者食過真心推介!

高質 豬膶麵 可配足料茄湯

豬膶麵 都要專門店?沒錯,在這裏食個 豬膶麵 都可以剔紙仔,麵條可配出前一丁、稻庭烏冬、辛辣麵等等,配料除了招牌的新鮮豬膶外,更有鮮牛肉,老闆堅持全部不用梳打粉醃腍, 但求保持鮮味。家常一點豬膶原湯,也比別人用心機,分開兩煲煮,1煲煮配料,1煲則每日用新鮮豬膶加薑煮成,像阿媽煮的豬膶水一樣,保持清澈,用來放麵分外鮮味!

 

豬膶切得厚薄一致,雖然沒有梳打粉醃過的腍滑,但勝在豬膶味濃無臊味,湯底亦順喉不嗆,好味道。

茄湯內有薯仔、番茄、洋蔥,可見真材實料,鮮牛肉,也是即日的新鮮貨,質素亦佳,肌理扎實,肉味濃。最出色的莫過於湯底選擇,不加味精,濃味一點有番茄湯,每日用洋蔥、排骨、薯仔、番茄又煲又焗8小時才成。

 

環境簡約乾淨,似cafe多過似麵店,坐得舒服。

必食! 創意薑蔥豬膶包

既然豬膶麵可以變身,老闆話細細個食嘅豬仔包都有好多變化,舊時在茶記常見的咖央豬仔包這裏也有,不過要數自家創作,必定是薑蔥豬膶包,在鐵板上一邊牛油煎香豬仔包,一加薑絲蔥絲豉油炒香鮮豬膶,最後大合體,內外都熱辣辣,更比豬膶麵多份惹味!

豬膶新鮮,簡單用薑蔥、豉油和酒,加以鐵板煎香,微微焦香,帶出豬膶甘甜,配着烤得外脆內軟的豬仔包,實在好吃!

豬膶即叫即炒,鑊氣十足,香氣撲鼻!

除了新潮小食,懷舊煎雞尾包和咖央豬仔包,這裏也有供應,配港式奶茶,一流!豬膶即叫即炒,鑊氣十足,香氣撲鼻!

潤潤麵
地址:佐敦廟街306D(顯示地圖
營業時間:8:00am-9:00pm
電話:3705 3635
備註:不設加一,收現金、八達通

 

延伸閱讀:

 

最新吃喝玩樂資訊