一人一個口音阿姐的美麗誤會 網民聽完呆咗：煲仔飯要唔要年糕？

一人一個口音阿姐的美麗誤會

1.買煲仔飯要唔要「年糕」？

網民於討論區發起「一人一個有口音嘅阿姐帶俾你的美麗誤會」，樓主先分享：「之前去買煲仔飯，阿姐問我要唔要年糕⋯⋯食煲仔飯做咩要食埋年糕⋯⋯點知原來係『連煲』」！

2. 26廣場、6條7大厦

另一網民表示，曾於未有網上訂枱的年代，「屋企人打電話去問餐廳詳細地址，個阿姐係咁講26廣場，當時未聽過有個廣場係用數字開頭，個電話講咗10幾分鐘要叫餐廳換人嚟講先知個廣場叫咩名⋯⋯原來係娛樂廣場！」另有網民曾被問路，「問我6條7大廈喺邊⋯⋯R爆頭⋯⋯原來問駱駝漆廈」！

3. 泰越菜館阿姐叫「創意羊腿」！

另有網民表示去一間泰越菜館的時候，有個譚仔口音阿姐將份menu隊過來，大嗌：「創意羊腿！」網民回應指不吃羊，但阿姐「再隊份menu過來大嗌：創！意！羊！腿！呀⋯⋯然後佢勁燥底咁指住張二人檯」，原來她叫該網民坐二人檯！

4. 電影「秋刀魚之情」好好睇！

另一網民指以前返大陸玩，有個當地朋友表示近期有套新戲好好睇，正全球上映，叫《秋刀魚之情》，網民想了很久，以為是文藝片。當地朋友問他有無在香港睇過，他指香港沒有這套戲，然後朋友拿出手機給他看，原來是《速度與激情》（即《狂風時速》），笑死！