Threads爆紅觀塘健康飯餐！$47起高蛋白質爆肌餐 惹味手撕雞＋安格斯牛

Gym友恩物！觀塘爆肌餐爆紅

最近有threads友推介觀塘兩間健康飯餐，分別是位於駿業熟食市場的「滿恩廚房」以及東廣場的「木谷料理」 ，前者選擇較多，$48起食到雞胸/雞扒/牛肉/滷水金錢展，配2隻烚蛋；後者$47起就食到180g雞胸肉飯，仲包溏心蛋同飲品，簡直是Gym友恩物！

在 Instagram 查看這則貼文新假期 Weekend Weekly（@weekendweekly）分享的貼文

滿恩廚房$48起健康飯餐

觀塘滿恩廚房提供4款健康餐，包括雞胸雙烚蛋($48)、雞扒雙烚蛋($58)、安格斯牛板雙烚蛋($68)及招牌滷水金錢展雙烚蛋($78)，以上均包150g肉，配白飯或薑黃飯，仲及送飲品或例湯。threads友推介雞扒及牛肉，份量足料，滿滿蛋白質，雞扒煎得幾香，肉質唔嚡，呢個價錢真心抵！

木谷料理$47惹味手撕雞飯餐

木谷料理主打日式料理為主，亦提供多款雞肉飯(一律$47盒）好適合gym友食，其中有招牌雞肉飯、惹味辣雞飯及麻辣手撕雞飯。threads友推介惹味辣雞飯，附有青椒醬及溏心蛋一隻，雞肉量足足有180g！雞肉似食手撕雞，質感唔嚡，有少少鹹味。 另外跟餐仲送羅漢果水，清甜潤喉，性價比高！