觀塘的美式風情@Dining娜

飲食

廣告

(Presented by MOREISH & MALT)

觀塘已經唔再係工廠區咁簡單,作為一個吃貨,好清楚佢有幾咁臥虎藏龍,無論地舖定工廈上樓舖都大把好餐廳,想試勻晒要啲時間㗎。早排又俾我喺鴻圖道近駿業街嗰邊,發現咗一間American style嘅好嘢,叫MOREISH & MALT,仲入圍咗「全港必吃食店」選舉。

呢間喺正十字路口位嘅美式小店,真係做到佳餚配美酒,wine list選擇夠多之餘,cocktail亦做得好有心機,嘢食更加唔使講,沙律、主菜、甜品樣樣精通,味道掂之餘仲好有美國菜嗰種豪邁奔放。佢裝修都落足本㗎,入到裡面你會唔記得自己喺觀塘工廠區,好似去咗美國一個悠閒小鎮咁,好舒服,等我Dining娜介紹必食推介啦!

吞拿魚燒得啱啱好,個心仲係粉紅色,沙律嘅dressing係香醋汁,好清新,加埋炸藜麥夠飽肚,細食嘅OL(我例外)自己食一份當lunch都得。

 

小食一樣咁出色,我最鍾意MOREISH牛肉漢堡,塊漢堡排係自家製,調好味、成形之後再入雪櫃,咁就可以將肉汁鎖住,食落肉味特別突出。呢款拼盤係我另一最愛,可以一次過試到幾款食品加唔同sauce,啱晒貪心嘅我。

 

牛排同紅酒當然係絕配,一件medium靚rib-eye,開支意大利、法國或者澳洲嘅紅酒,咁先係生活態度。

 

份量十足嘅肉排用slow cook方式烹調,面頭crispy、內裡juicy,味道濃得嚟甜甜哋,好開胃惹味。

 

呢個曲奇係幾傳統嘅美國嘢,唔似得一般甜品咁少女,賣相隨意豪邁得嚟不失精緻,食落仲特別chewy!加上佢係即叫即整,出爐曲奇配冰凍雪糕球,一冷一熱,口感好纏綿呀。

 

餐廳環境真心抵讚,好relax好舒服,絕對係悠閒食餐飯、飲番幾杯嘅好地方。而且姐妹們留意,Bar Manager兼老闆之一嘅Eric,唔止整cocktail拿手,仲係靚仔一枚。

 

特別優惠

另外提提大家,餐廳有個special offer,下晝3點至8點期間(限時2個鐘),每位只要$78,就歎到嗰日/嗰期嘅指定啤酒1款,而且係無限添飲,係無限添飲!無限添飲喎(因為很重要所以講3次)!再加指定零食無限量供應,呢個offer無得頂,啱晒happy hour!

地址:觀塘鴻圖道48號新榮大廈地下B舖(顯示地圖)
電話:3580 7133
營業時間:星期日至三11:30am至10:30pm、星期四至六11:30am至12mn
(週末提供 Brunch至5pm,Happy Hour為每天12nn至8pm)
Facebook:www.facebook.com/MoreishandMalt/

即刻投佢一票啦!


香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..