觀塘工廈
觀塘工廈

觀塘工廈 覓食 心機手作港式串燒 @ Dining娜

飲食

廣告

(presented by 鮮.港式串燒吧)

身邊朋友都知我Dining娜係吃貨一名,特別鍾情有香港特色之餐廳,更不惜走勻大街小巷,今次趁住入冬後寒流駕到,陪住我班閨密去 觀塘工廈 為轉裝入貨,入齊冬季新裝和韓國護膚品,梗要醫醫肚、暖暖胃啦。行到駱駝漆第三期5樓呢一層,傳嚟陣陣燒物香氣,即時食指大動,點都要試試先。

觀塘工廈 港式串燒

入到去呢間餐廳裝潢有格調,仲夠晒寬敞坐得舒適嘅港式 串燒 店,即時問問有咩招牌推介先。店主林生正同熟客們閒聊介紹緊新推海鮮拼盤,我同班姊妹們當然唔會錯過啦,呢份特選海鮮盤有齊琵琶蝦配自家製沙律醬汁、鮮鮑魚、花螺、大蜆及藍青口五款海產,剛好啱晒我哋三個女仔Share份量,都不過係 $300有找,而且仲好新鮮,聽店主介紹仲係全部飛機貨直送,唔怪得咁鮮甜啦!

呢間主打海產同港式口味串燒店,原來由同樣鍾意飲食嘅店主夫婦主理,佢哋不時親自試味同鑽研新口味 串燒 ,堅持只從本地魚市場及自家經營優質肉食入口店入貨,貨源同品質有一定保證,唔怪得價錢仲比一般餐廳相宜啦。

繼而梗要試埋店內另一主打主廚落單嘅即開生蠔,由師傅嚴選當日時令靚蠔,仲會由順時針淡至濃味咁排列好,無論鍾情海水味較重,抑或獨愛肥美大隻都會逐一推介,夠晒貼心有意思,我班閨密姊妹即時心心眼晒啦。

然後到入戲肉即叫即燒嘅 串燒 啦,三心兩意嘅我哋,單睇餐牌已經好多款想試,腐乳雞串、川辣鴨舌、雞泡魚乾、燒青瓜等好創新獨有喎。首先試嘅燒魷魚即叫即燒,火候控制得剛剛好,很有小時候港式風味。燒白鱔串好有驚喜,大大嚿原條自家起肉串成,極考心機之作,白鱔就燒到剛剛熟透,入口啖啖肉外仲保持juicy魚香,好滿足!而厚切牛脷更加製作考工夫,每條牛脷只嚴選僅餘最嫩部分,厚切後即燒仍然保持多汁夠腍滑,啖啖肉好治癒!

店內仲有好多創意獨特口味一定要試。估唔到串燒店都有正宗臘味飯,用已浸好生米即叫即製,成碗都有飯焦,食完夠晒暖笠笠呀!仲有芝士控不能錯過嘅板燒芝士撈麵,極有韓式風味。

最後梗要滿足埋我哋女士們為甜品迷嘅需要,呢份即焗嘅半溶化棉花糖混入香軟班戟度一齊入口,簡直令我同班姊妹們都感受到嗰份滿足幸福感呀;食埋呢個即炸香蕉,皮薄香脆,熱辣辣,超正!

鮮.港式串燒吧

地址:觀塘開源道60號駱駝漆大廈3座5樓P室 (顯示地址

電話:23388817

營業時間:星期一至五 5:30pm-12:30am

星期六 3:30pm-12:30am

星期日 2:00pm-11:00pm

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..