蟹癡最愛的半自助晚餐@Dining娜

入秋之後，Dining娜每次同班好姊妹飯聚，都離不開有「蟹」相伴，正所謂「不時不食」嘛！除咗熱門嘅大閘蟹之外，最近仲俾我哋發現有間酒店餐廳特意製作咗多款以蟹為主題嘅心思菜。自問無蟹不歡嘅話，一於跟嚟睇睇啦！

講緊嘅係位於觀塘如心艾朗酒店入面嘅forte，呢度主打半自助餐，主菜從餐單任選其中，之後再可以隨你胃嘅容量任食沙律、湯、冷盤、海鮮、生蠔、刺身、壽司、甜品同雪糕等，食物無太過泛濫嘅感覺，啱晒我哋呢亭重質嘅國際級食家。加上店內環境氣氛一流，邊食邊同班姊妹談心，夠晒盡情！

主菜選擇夠豐富

除咗王牌清蒸大閘蟹外，呢度特意引入優質嘅紅花蟹同肉蟹等，用多種烹調方法炮製成別緻佳餚，中式、泰式、日式及意式等應有盡有，賣相同味道都好出色。細問之下得知行政總廚嚴選新鮮肥美嘅螃蟹，結合創意同專業嘅廚藝，製作出多款蟹食主菜，包括花雕蒸梭子蟹、 黑松露賽螃蟹玉帶子、葡式椰香焗釀蟹蓋、天婦羅帝王蟹棒同軟殼蟹青木瓜沙律，無論係咪蟹癡都一定會患上選擇困難症，款款都咁吸引唔知點揀好，所以我哋幾位好姊妹一於人人點一款，齊齊開心share！如果蟹唔係你杯茶，你亦可以揀最新推出嘅慢燒法國鴨胸伴甜酒黑櫻桃，一樣叫人食指大動。

前菜小食 欲罷不能

此外，半自助晚餐仲有一系列深受歡迎嘅開胃環球前菜，包括冰鎮海鮮如阿拉斯加皇后蟹腳、即開新鮮生蠔同海中蝦等，更有滋味壽司同日本直送嘅時令刺身；精選沙律方面，Dining娜必吃推介有日式蟹肉青瓜沙律同綿羊豬火腿配蜜瓜等；另外唔可以錯過嘅有特色西班牙小食如焦糖鵝肝燉蛋、海鮮餅同焗青口保雲酥；鍾情於熱湯嘅姊妹就大讚蟹肉蝦湯同龍蝦湯都好鮮味濃郁。

為完美晚餐作結就梗係唔少得要去自家製嘅甜品專區「掃貨」，我哋試咗士多啤梨蛋糕、意大利芝士蛋糕、酥皮蘋果撻、朱古力噴泉及Mövenpick雪糕等，全部質素都有番咁上下，成班甜品控都大滿足呢！

11月加推呈獻《優惠全日祭》

由11月1日至11月30日期間，更可以優惠價享用滋味半自助晚餐！

星期一至四 : 成人淨價港幣$ $299；小童/長者淨價港幣$159

星期五至日、公眾假期及其前夕 : 成人淨價港幣$ $329；小童/長者淨價港幣$179

地址：觀塘創業街38號如心艾朗酒店2樓

電話：3968 8222

*半自助餐菜式每晚輪流供應

圖片來源：forte