蟲蟲雪糕 免費派！勇士激試報告！【鰂魚涌】
廣告
全球氣候暖化問題愈趨嚴重，不同國家、團體都尋求方法減少溫室氣體排放，對此，《經濟學人》（The Economist）就提出「以蟲代肉」的方法，指出食蟲比食肉更環保、仲推出埋 蟲蟲雪糕 ，推住雪糕車去世界各地進行免費試食，上一站係倫敦，今次殺到嚟香港，今日率先係鰂魚涌太古坊免費派，我哋一收到消息即刻衝過去（睇人）試食！去片！
蟲蟲雪糕 一共提供4款口味，分別係野莓雜蟲、草蜢朱古力、麵包蟲士多啤梨、蚱蜢拿破崙。聽落感覺真係有點怪，但好多人排隊去試！
記者一場嚟到，當然就…要試啦，不過，無謂俾大家見到個作嘔樣，請嚟呢兩位勇士試食俾Comment！
勇士１號：
勇士２號：
蟲蟲雪糕 車
日期：9/7 – 16/7 (不定期出沒)
出沒地點：9/7(中環)、12/7(西貢)
《經濟學人》提出「以蟲代肉」已經唔係新鮮事，係2014年已經「The Economist explains」以三大原因解釋為何食昆蟲係合理（Why eating insects makes sense）。
1. 食昆蟲比食肉健康
有近2,000種昆蟲可食用，入面含有豐富蛋白質、鈣質、纖維、鐵同鋅，同肉相比亦無禁肥同較少卡路里。
2. 昆蟲既成本較低甚至免費
食用昆蟲嘅來源好多，而生產佢地需要較少投資同技術；同時亦為窮人提供生計。
3. 昆蟲是可持續性較高嘅食物來源
牲畜既生產係所有溫室氣體排放入面既第5位，比運輸還高！而昆蟲嘅生產相對可以產生較少溫室氣體，係可持續性較高嘅食物。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
