萬麗海景酒店6月限定鴨主題自助餐！低至75折任食片皮鴨配黑松露＋海膽Taco

灣仔萬麗海景酒店全新「鴨」主題自助餐！網店預訂高達75折

灣仔萬麗海景酒店人氣自助餐餐廳 Food Studio 最近推出全新「鴨」主題自助餐，由擁有近二十年亞洲餐飲經驗嘅行政總廚 Owen Panzica 領軍，將整隻鴨靈活運用。冷盤必試煙燻鴨胸沙律配碧根果仁、蜜桃無花果油封鴨腿沙律同經典歐陸鴨肉酥皮凍批。熱盤方面，肉桂香料烤鴨胸伴熱情果紅酒醬同陳年黑醋油封鴨腿都好有水準，晚市限定嘅油封鴨腿意大利燴飯伴波特酒汁更加係心機之作。晚市時段仲有每日輪替嘅即場烹調專區，逢星期一、三、五及日，會供應鴨肝配片皮鴨伴夏季黑松露，油香滿溢層次豐富；而逢星期二、四及六，就會呈獻牛肝菌牛蒡清湯浸鴨肝伴帶子、鴨胸及夏季黑松露，高級食材配搭出細膩滋味，絕對係回本必食推介。

中式料理區同樣精彩，除咗有醇香滷鴨，仲有泰式紅咖喱燴鴨同醬油鴨肉炒飯。晚市嚟食嘅話，記得留肚食椒鹽鴨舌同蠔油花菇炆鴨掌，惹味得嚟又充滿地道風味。食到最後當然要食甜品！廚師團隊特別設計咗多款鴨仔主題甜點，好似香濃幼滑嘅朱古力小鴨同造型別緻嘅鴨子主題蛋糕，打卡一流。另外仲有開心果泡芙、提拉米蘇等超過 15 款甜點，包保滿足到你嘅第二個胃。