荃灣$20任食甜品放題!貓山王榴槤高力+酒釀丸子+溏心燻蛋|區區搵食
撰文:Sakura 圖片:夏麵館
荃灣$20任食甜品放題!
甜品控有福啦!上海麵店夏麵館推出$20任食甜品放題,仲有齊9款選擇咁多,即日起至9月30日,逢星期一至五晚市時段,於荃灣及葵涌分店人均消費滿$120(加一前計),即可以$20優惠價任食9款甜品和小食,當中包括貓山王榴槤高力、酒釀丸子、豆沙鍋餅、薑茶湯丸、香煎南瓜餅、溏心燻蛋等,十分超值,喜歡甜點的朋友萬勿錯過!
逐一介紹9款任食甜品+小食
1.貓山王榴槤高力
以馬來西亞頂級貓山王榴槤製成的貓山王榴槤高力,外層軟綿鬆化,配上啖啖貓山王肉,口感豐富,甜而不膩,榴槤迷一定要試!
2.高力豆沙
高力豆沙,鬆軟外層包著滿滿的豆沙餡,口感綿密,甜度適中。
3.酒釀丸子
酒釀丸子味道清甜帶酒香,咬落Q彈煙韌,甜甜地很美味。
4.薑茶湯丸
喜歡薑味的就要試!一碗有4粒,湯丸大大粒,薑味濃郁,口感煙韌。
5.擂沙湯丸
擂沙湯丸軟綿煙韌的外皮,食落香甜滑溜,灑上滿滿的黃豆粉,口感豐富。
6.豆沙鍋餅
豆沙鍋餅皮煎至金黃酥脆,中間夾著豆沙餡,口感香脆惹味。
7.桂花拉糕
桂花拉糕有陣陣桂花甜香味,食落甜甜地, 口感柔軟滑糯。
8.夏味燻蛋
即是溏心燻蛋,蛋黃晶瑩剔透,呈半熟狀,蛋味香濃,食落滑溜,很正。
9.香煎南瓜餅
香煎南瓜餅煎至金黃,味道香糯可口,陣陣南瓜香味。
夏麵館任食甜品供應分店
荃灣分店
地址:荃灣沙咀道328號寶石大廈地下G12-15號舖
電話:2448 3608
營業時間:星期一至五11am-11:30pm;星期六10am-11:30pm;星期日11:30am-11:30pm
葵涌分店
地址:葵涌葵昌路72-76號活@KCC商場8字樓803號舖
電話:2310 2312
營業時間:星期一至日11:30am-10pm
備註:
1.優惠期即日起至9月30日(9月13日除外),只適用於星期一至五晚市時段6pm-9:30pm供應。
2.必須於夏麵館荃灣及葵涌分店晚市人均消費滿$120(加一前計),才可以$20優惠價任食各款甜點及夏味燻蛋。
3.用餐時間以入座1.5起計算
香港18區美食有甚麼推介?
新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。