網民力數茶餐廳9宗罪！漏單、無禮貌侍應非最嚴重呢樣嘢真係忍唔到

Jan 18 2023

茶餐廳是不少港人解決一日三餐的好地方，雖然受歡迎，但也有不少地方為人詬病。日前就有網民在Facebook群組發文，叫網民一同分享「最憎茶記發生的事」，網民非常踴躍，力數菜餐廳多宗罪！除了漏單、職員無禮貌外，也有不少經歷令網民卻步，更對該茶餐廳永久blacklist，不知道你又是否有共鳴？

網民力數茶餐廳9宗罪

1.嚴重漏單

樓主提出的第一宗罪就是「漏單」，明明一早已下單，但等極也未有，甚至被隔壁客人「遲來先上岸」，催了侍應也只是回應「等等好快有」，引來不少網民分享同樣經歷。

漏單扮有入單，追左幾次都話整緊，等咗一個鐘先話我知漏單

先落單，人哋食X完，再追 30分鐘後到

漏單⋯⋯追單比人hea，問都唔問下廚房就話嚟緊、好快好快就出

漏單都唔緊要，最慘我催佢，佢就咁話：「出緊喇，等等！」又唔查證係咪真係漏單，變咗我嘅心情好忐忑。

茶餐廳催單後侍應永遠都話「嚟緊啦」 — 催單後侍應永遠都話「嚟緊啦」（圖片來源：TVB《愛回家之開心速遞》截圖）

2.被侍應要求轉枱

去茶餐廳都不會要求座位有多好坐，但「食食吓俾人叫轉位」又真的感覺很不好。食物未到還好（但有機會之後食物被送錯去舊座位），食到一半才被要求轉位真的超無奈！

食嘢中途轉枱

食到一半叫我調位

試過食一餐比人轉三次

茶餐廳繁忙時間最常被要求轉枱 — 繁忙時間最常被要求轉枱（圖片來源：新假期編輯部）

3.手指插食物

這個真的不能接受！就算對方的手有洗乾淨（但更大的機會是沒有），見到也會覺得不舒服吧，怎能吃下去……

隻手指插入自己碗嘢度

伙記插隻手指公落碗餐蛋麵到

手指掂到你啲野食

手指插落食物同對住食物講野噴口水

男侍應張隻有留指甲嘅指公插入碗火腿通粉然後攞過黎

4.環境污糟

環境污糟似乎也是很多網民的經歷，有時侍應執枱後，枱面仍會見到食物殘渣，叫他再掃也只會求其撥一撥；有時吃飯期間，阿姐突然出現拖地，表面是保持乾淨，但其實更污糟……

大家唔知有無留意到，茶記或所謂餐廳，啲櫈好dirty ，抹檯時，亂咁fing，好多間都係咁

食嘢期間掃/拖地

食緊嘢時阿姐突然嚟拖地

張檯抹完都係油淋淋

食緊嘢走埋嚟抹枱掃地。啲灰麈好容易飛落食物度

茶餐廳環境污糟似乎也是很多網民的經歷 — 環境污糟似乎也是很多網民的經歷（圖片來源：《瑪嘉烈與大衛之綠豆》劇照）

5.食物被加料

比起環境污糟，食物被加料似乎是更大的惡夢……有網民分享他們食物內藏異物的經歷，光看已覺嘔心……

我碗餐蛋麵有一支牙籤

飲凍奶茶啜到落底見到有粒檸檬核

杯檸茶飲到一半，飲到條毛

有次食碟小菜，發現一塊藥水膠布，即刻想嘔

碗粉食到落底撈到忽報紙出嚟！

炒粉麵入面有煙頭

茶餐廳食物被加料似乎是更大的惡夢 — 食物被加料似乎是更大的惡夢（圖片來源：《IT狗》劇照）

6. 食物內藏曱甴

在茶餐廳見到昆蟲、曱甴當然不能接受，更加恐怖的是牠們藏在食物裡！有不少網民都分享了他們的經歷，只能說還好不是發生在自己身上……

啲嘢食有曱甴

食麵途中發現昆蟲係碗麵到

我幾個同事去一間食肆食特餐有麵食嘅，咁佢哋加啲辣椒油落個麵度啦，第一個同事加完，到第二個，到第三個同事加，佢想要啲渣，點知佢個茶匙「筆」到隻曱甴，係大嗰種美國曱甴喺辣椒油度，因為佢唔係用透明盛裝，係用茶記方糖嗰種不繡鋼裝著，開頭睇唔到，又blacklist一間