茶餐廳手寫藝術感餐牌「太工整」網民齊估G餐係食咩 翌日餐廳竟然咁做

2月份更新：藝術感手寫餐牌再現！

有網民最近再到訪同一間茶記，又再發現藝術感手寫餐牌，再度引起網民討論，直言寫這份菜單的人是「被樓面工作耽誤的藝術家」、「真係埋沒咗佢」，同時也有網民有不同意見，直指「其實都寫得靚，只係太密集，變相難睇」、「睇到頭都暈埋」。

茶餐廳手寫餐牌風格獨特、睇到食客頭暈

該名網民在「香港茶餐廳及美食關注組」發文，貼文只簡單寫上一句「可能有人會睇到開打MMA」，只見附圖是一張掛牆的手寫餐牌，上面由A到L總共有12個餐項選擇，每個選項的字體都非常特別，工整得來又帶點藝術感，橫豎撇捺縱橫交錯，字體大得來又非常幼身，就像長長的蜘蛛腳，某些筆畫更與另一選項重疊，填滿整個空間，驟眼看真的讓人眼花繚亂！

網民反應兩極：好有藝術感vs最憎懶係型

貼文一出，即引來大批網民討論，有不少網民都認為字體非常有藝術感：「簡直係藝術品」、「好靚好整齊呀手字」、「字體好有個人風格」、「高手在民間！」、「寫到好似幅畫咁，靚」，甚至有網民大讚「好L型！被茶餐廳耽誤的書法家」，直言「好想搵佢寫返幅字畫」。

但同時也有網民不欣賞這種字體，指「 睇到燥」、「見到呢啲餐牌我應該唔會走入去食，睇死人啲字」「最X憎呢D，懶係有特色！」、「見到咁嘅餐牌，都唔會入去食啦」、也有人認真指出「文字係要嚟溝通嘅」，這樣「寫到咁，睇果個好辛苦！」、「落單又頭痛, 寫單又頭痛」，更指打工仔去吃的話「睇完餐牌，冇時間食」。

網民齊玩估字遊戲：被茶記耽誤的書法家

在欣賞與反感的同時，也有網民以藝術與實用性去分析，指「留白重要性/隻隻字塞到滿晒位/寫到線條再靚都再工整都好難閱讀」、「手字靚唔靚就各花入各眼/但唔實用就肯定」、「藝術字體興現實之應用，的反面教材」，不過也有網民指「其實細心啲睇又真係睇得明」

以下就為大家公開答案，大家看出多少個呢？

A. 木盆胡椒朱(豬)肚雞窩

B. 瑤柱金菇扒豆苗

C. 土魷肉餅拼鳳爪

D. 回味酉(醬)爆大腸雞煲

E. 無骨蔥油雞 (半只不包餐)

F. 酉(醬)爆雲耳翠肉瓜朱(豬)頸肉

G. 酉(醬)皇牛柳粒四季豆

H. 蜜桃脆皮咕嚕肉

I. XO酉(醬)西蘭花炒班塊

J. 豉汁蒸倉魚

K. 豉汁蒸双(雙)黃花

L. 清蒸龍躉仔

網民隔日再訪、手寫餐牌已轉字體

隔天有網民再到該餐廳吃飯，發現已換上另一師傅的手寫餐牌，這次雖然缺乏藝術感，但明顯容易看多了，而且筆觸較粗，字體也相當有氣勢！網民也表示「呢啲先像中文字」、「寫得好，正常好多，唔會睇到眼花」、「呢個又靚又易睇」，當然也有網民表示「鍾意之前嗰個師傅」，大家又比較喜歡哪個師傅的字跡？

資料來源：香港茶餐廳及美食關注組