茶餐廳師傅大揭內幕！世紀問題：真係會加料？萬年油幾耐先換？｜飲食熱話

茶餐廳廚房師傅大揭秘內幕！

茶餐廳秘聞1)茶記會唔會「加料」？

都市傳聞不要和茶記夥計作對，要不然「加料」俾你歎，例如口水、煙頭，甚至更駭人聽聞的東西。可能樓主都覺得好多人都想知，一開帖已自己爆料，明言其實好少會「加料」。不過有網民繼續追問：「咁咩清況會加」樓主就坦言：「彈我兩次就會加，話冇味就落去鹽，話鹹就落重糖。」咁都好啲，都只不過難食點，不會加奇形怪狀的異物。

茶餐廳秘聞2）萬年油先最正？

茶記的炸物份外好吃，網民都好想知其竅門：「深啡色果隻炸雞翼係點整？」樓主坦言要用萬年油炸成，炸出來才會好味香口，更有其他疑似茶記師兄補充，明言萬年油才是「好嘢」，用新油炸反而會「冇色又臭油溢味」，其實舊油會隔渣儲起重用，都頗乾淨，不如大家想像中那麼不衛生。

茶餐廳秘聞3）茶記人工幾多？

其實做茶記人工都不錯，樓主自己月薪就有2.2萬，不過工時頗長，每天10小時，假期則是「4＋1」似乎都是辛苦工喎！亦有其他疑似茶記師兄補充，初哥月薪已經有1.8-1.9萬起跳，師傅位更可以去到2.6-3萬！似乎只要捱得住，人工回報都唔錯喎！

茶餐廳秘聞4）去完廁所唔洗手？

茶餐廳向來予人地痞感覺，有時看到地下有垃圾或污漬都會選擇視而不見，或暗地裏踢開便算。而有網友則有就廚房內部的衛生問題進行詢問，有問道「廚房佬係咪勁污糟？」、「去完廁所唔洗手？」、「廚房入面勁多老鼠曱甴？」、「蔬菜會放地下用腳踩？」。而樓主有解答，個個廚房師傅衛生注意程度不同，自己會去完廁所洗手。廚房入面確實有好多老鼠曱甴，不過蔬菜不會放地下。

茶餐廳秘聞5）為何常餐愈來愈難吃？

有食客問為什麼常餐質素每況越下：「到底係原材料來貨差左定換左師傅搞到越來越難食？」樓主爆料原來常餐都是水吧負責，多數都是由阿姐炮製，通常都會「求x其整完就算」。