花膠 米線 老火湯 寶貝靚湯
花膠 米線 老火湯 寶貝靚湯

【出街搵食】老火湯專門店 花膠湯熬足4小時+花膠米線小食|灣仔美食

飲食

廣告

近日主打老火湯旳小店愈開愈多,灣仔這間寶貝靚湯,就是例子之一。$68一大湯碗,落足花膠配料,再加上多款養顏滋補小吃如米線、銀針粉,深受附近OL歡迎。

撰文:Lisa | 攝影:Fion

$68足兩碗花膠湯

灣仔合和中心附近後街,兩三個月前開了一間名為「寶貝靚湯」的小店,每日只賣一款老火湯,日日不同口味,自備湯壺,再減$5,足有500ml,夠兩個人開心share。難怪不止吸引OL,就連很多老街坊都專誠買湯,回家與老伴撐枱腳。賣到咁平,有錢賺嗎?「無呀 ﹗當新開 宣傳,隨時加返價㗎 ﹗」老闆之一的Kelvin答得坦白。

 

漁民拍檔拎正貨

Kelvin做過串燒店和珍珠奶茶生意,有次與兩個朋友聊起覺得香港人生活愈來愈忙,湯品生意應該大有可為。加上其中一人乃漁民子弟,有辨法取到比市價平3成的靚花膠。「有熟人拎貨,安心好多,唔怕入咗假貨,咁我就可以專心研究煲湯秘技喇!都係問吓阿媽、大廚朋友、上網睇,集大成,再自己不斷試。」

每日兩大煲 要細心隔油

Kelvin每日7am就返到舖頭備料,煲足4小時,以招牌花膠螺頭瑤柱准杞豬肉煲雞為例,每煲至少有2斤花膠、10隻雞;棄用瘦肉,用20%的肉眼,味道更甜,絕對真材實料。煲好之後,仍未可馬上出售,Kelvin會將湯倒入保溫箱中閒置,讓肥油浮面、隔走,一碗碗味道濃厚而鮮甜的心機老火湯,大約12nn就可以應市。

同場加映:花膠小食

不夠飽,店中還有用花膠螺頭瑤柱雞湯底煮成的碗仔翅及銀針粉/米線供應。銀針粉湯底清徹,一點肥油都沒有,飲一口,湯頭鮮味,順喉,食得出完全沒有味精,湯面還加了幾片花 膠,質地雖然不算厚身,但入口爽彈,很有屋企feel,正。

 

 

寶貝靚湯
地址:灣仔麥加力歌街1-19號加達樓地下9E舖(顯示地圖)
電話:6312 0317
營業時間:12nn-10pm,逢星期日休息

延伸閱讀:【出街搵食】楊明開燉湯店 足料靚湯 燉足4小時|荔枝角美食|

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..