芫荽
芫荽

荽友召喚!! 芫荽 零食殺到 記者挑機試食芫荽蛋卷、薯片、撈麵、芫荽醬

飲食

廣告

最近刮起一陣 芫荽 熱, 芫荽 產品愈出愈多,熱潮終於來到香港!記者走遍港九新界,在零食網店找到4款 芫荽 新奇零食,連本地老餅店也加入戰團,推出芫荽蛋卷,而且一出即售罄。

撰文:ruby 攝影:Tony、Woody

5大 芫荽 食品試食報告

五款 芫荽 食品究竟好不好吃?記者一於身先士卒,為大家挑挑機,睇下邊款最夠荽!

1.老餅店新推 芫荽蛋卷

有四十九年歷史的老牌餅店「紹香園」,繼早前推出紅菜頭蛋卷後,近日又有新作芫荽蛋卷。蛋漿加入新鮮切碎的芫荽莖,再加芫荽葉片作裝飾,吃落微甜,有少許芫荽香,即使不是芫荽控都能接受。由於製作手工繁複,每次只能做四、五十盒,不消半時便全部售罄。

荽味度:**

美味度:*****

芫荽蛋卷製作過程:

 

 

 

 

紹香園總店

地址:鯉魚門海傍道中46號A

電話:2772 4368

營業時間:星期一至日10am-9pm

Fb專頁: 鯉魚門紹香園 The Walnut Shop

2. 芫荽薯片 荽味定香茅味!?

日本人的確很愛芫荽,愛到去年有市民竟然提議卡樂B,推出芫荽味薯片。上月終於順應民意推出期間限定版,而香港等了一個月,終於有得賣!

打開包裝,芫荽味道不濃,聞到的只是醬油味。入口一試,微鹹中有檸檬酸,芫荽味卻微弱,反而食到香茅味,不吃芫荽的人都說OK,食幾多塊都得。

荽味度:*

美味度:***

記者Ning:「真係芫荽薯片?完全無荽味,反而似好濃的香茅味,酸酸地。唔食荽既我都食到。」

3. 炸芫荽脆片 口感鬆脆 狀似便便

這款低鹽炸芫荽脆片,是東京近年超人氣手信。把芫荽扭成一團,以鹽、芫荽粉、醬油等調味,加炸漿香炸而成。

賣相雖然欠佳似便便,但芫荽炸得乾身,入口鬆脆,有同事說口感似紫菜,芫荽味天然,味道不太濃,一般人也可接受,也有荽友大叫荽味不足,唔盡興喎。

荽味度:**

美味度:****

記者Joanne:「我好鍾意食芫荽,炸荽好鬆脆,但芫荽味唔夠,無荽味。」

4. 芫荽即食撈麵 攻鼻鹹香

荽友必like,撈麵內藏一包芫茜乾、一包芫荽炒麵醬。先用熱水將麵和芫荽碎煮熟,倒走熱水後再拌入芫荽炒麵醬。一打開芫荽醬,傳來一陣濃烈攻鼻的芫荽味,荽友都話臭到頂唔住。

不過食落有點魚露鹹香,微辣,配上大量芫茜乾和即食麵,有芫荽香氣之餘,味道尚算不錯。不過真的要即煮即食,否則杯麵的味精和芫荽炒麵醬會隨著時間,愈變愈臭,食落味道就變怪了!

荽味度: ****

美味度 :****

記者Ruby:「當倒芫荽炒麵醬時,真係好臭。不過食落又幾正常,芫荽味天然,無怪味。」

 

5. S&B日本芫荽醬 荽味極濃

以法國芫茜碎、青檸、泰式魚醬等材料製成,不過容量極少,唧一小碟已經剩低不足半支。未食先聞!唔食芫荽的說,聞到面容扭曲,話芫荽味極強烈;亦有荽友說有芫荽味,但因為混合青檸和泰式魚醬,多了種像酒店梘液、消毒酒精味,好亂呀!

味道方面,整體偏鹹,用炸雞蘸來吃就較易接受。但有同事在試食翌日追加意見,話吃完數小時,回吐那口氣才是真。極臭!你又夠膽挑機嗎?

荽味度: *****

美味度 :**

記者Mandy:「我食左少少,真係好臭,仲有少少辣,好難食。」

銷售點:

(a)零食大王

網址: http://www.lingsik.com/

查詢:2556 9777

(b)迷日店

網址:https://www.maniaj.com/

查詢:2628 0074

 

延伸閱讀:

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..