芝士通心粉漢堡
芝士通心粉漢堡

自暴自棄首選!! 多到爆~ 芝士通心粉漢堡 |灣仔有咩好食|

飲食

廣告

每個月都有勁多新食店開業,當中值得試的反而未必多,最近的推介是位於灣仔的酒吧餐廳Deligator,主打的三文治和漢堡,配搭特別,而且很有份量,例如 芝士通心粉漢堡 睇相都令人流晒口水,漢堡夾著厚厚的牛肉,還有多到爆出來的芝士通粉,huh~即睇以下詳細介紹!

 

必食皇牌 芝士通心粉漢堡

芝士通心粉漢堡(Mac N Cheese Burger)單是賣相都十分吸引,相當之巨型,而它的餡料更加無得輸,裡面夾著厚身、重4oz的安格斯牛肉漢堡扒和煙肉,還有多到滿瀉的芝士通心粉,份量十足,一啖入口非常滿足!

港人新寵 至hit龍蝦包

另一值得試是現時最流行的龍蝦包,$120但勝在用料足,整個包滿滿都是波士頓龍蝦肉。

重口味之選 慢煮豬肩肉Panini

Panini麵包夾著經過慢煮的豬肩肉,慢煮的烹調過程令豬肩肉的肉質保持嫩滑多汁,醬汁惹味,Panini烘得香口,加埋半溶芝士真係無敵~

最有口感 牛扒法包

香港人都食慣法包,但去餐廳食有餡法包應該比較少,呢個夾著撕成絲的美國牛肉眼扒、洋葱、黑椒蘑菇,法包帶韌度,牛肉也吃到絲絲口感。

勁有外國Feel!

此酒吧餐廳玩古巴風,以鱷魚為標誌,店內有大量鱷魚擺設,亦有來自世界各地的收藏品和藝術品,入到餐廳好有外國Feel!

而且現在每逢星期二晚上7時,便有「Cuban Tuesday Tonight」,每星期都有有不同的live music show。

Deligator
地址:灣仔莊士敦道2號G舖(顯示地圖
電話:3708 8508
營業時間:星期一至五 12nn-2am,星期六及日 12nn-3am

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..