西營盤Hemma神級芝士蛋糕被捧上天港女試食後大數3缺點中晒伏

Mar 9 2023

西營盤Hemma芝士蛋糕被指唔好食！難得有假期想去網上備受好評的Cafe打卡食餐好，但最後不但食物質素讓人大失所望，就連服務質素也完全不合格，教期望極高的食客頓感自己錯信食評，以身試伏！這間在西營盤神級芝士蛋糕被一眾網友捧上天，有位港女特意光顧，食後卻於討論區上大數餐廳3缺點，引來不少感同身受的受害食客紛紛留言「終於有人講出口」！

西營盤$62神級芝士蛋糕被捧上天

近日有網友在Facebook的「香港Cafe關注組」上發帖，指自己近日到了西營盤Hemma用餐，此店未開實體店前早已在IG圈粉無數，並向Blue Bottle等多家著名咖啡店或Cafe供應蛋糕，其被稱坊中最好的的巴斯克芝士蛋糕在網上一推出即被秒殺，即使有心想買都未必食到，故在西營盤的首間實體店開業以來，一位難求。

西營盤芝士蛋糕港女在帖文中指出「去之前大家說： The best basque burst cheesecake in town；去之後，我覺得係The most overrated cafe in town」，直指餐廳評價過高。 — 港女在帖文中指出「去之前大家說： The best basque burst cheesecake in town；去之後，我覺得係The most overrated cafe in town」，直指餐廳評價過高。（圖片來源：FB@香港Cafe關注組）

事主帶住無限期的心情來用餐，但在用餐後感到這家「近三年討論度極高」的Cafe是評價過高「Very Overrated」了，她試食後有感「唔難食嘅但都唔值得排咁耐隊去食」，並於帖文中大數餐廳3缺點！

Hemma芝士蛋糕店缺點1：話需要攞籌但原來可以walk-in

翻看店家的公告，堂食不設訂座，大家都只能門外排隊等位，不過事主就指在店門外看到貼了一張「今日籌已滿」等告示，但眼見不少人「照排隊都可以食」。不少到訪朝聖的食客都因此而感到「迷惑不解」，事主最終在門外「排咗30min左右入座。」力陳等位程序混亂，指引不足。

西營盤芝士蛋糕門外貼有「籌滿」的通告，但原來又可以排隊等位，食客們都表示一頭霧水。 — 門外貼有「籌滿」的通告，但原來又可以排隊等位，食客們都表示一頭霧水。（圖片來源：FB@香港Cafe關注組）

Hemma芝士蛋糕店缺點2：唔難食但都唔值得排咁耐隊

此店出品的巴斯克芝士蛋糕一直被評為世一，備受熱捧，對此充滿期待的事主稱：「$62嘅cheesecake，對佢期望好高…. 之前啲人吹捧到好誇張……. 但個人覺得呢啲一窩蜂幫襯嘅網紅店成日都中伏，唔難食嘅，但都唔值得排咁耐隊去食」，同時指服務質素亦需改進，「$48 嘅烏龍茶，等咗超過半個鐘先到，仲要半杯未夠，微暖……..唔知講咩好……….」，而店家之前也曾出帖稱「店內現時真的未夠人手，所以服務（送餐/食飲品預備）的時間都較長。」想食，就預咗要等了。

西營盤芝士蛋糕事主指該店蛋糕「唔難食嘅，但都唔值得排咁耐隊去食。」 — 事主指該店蛋糕「唔難食嘅，但都唔值得排咁耐隊去食。」（圖片來源：FB@香港Cafe關注組）

西營盤芝士蛋糕事主投訴「龍茶，等咗超過半個鐘先到，仲要半杯未夠，微暖」，事主由質素到服務都表示不滿意。 — 事主投訴「烏龍茶，等咗超過半個鐘先到，仲要半杯未夠，微暖」，事主由質素到服務都表示不滿意。（圖片來源：FB@香港Cafe關注組）

Hemma芝士蛋糕店缺點3：環境好嘈好擠迫

來到Cafe當然想靜靜地歎件Cake呷口咖啡，靜靜地享受一下，不過事主就稱此店「環境係前身『Good Good』嘅舊舖裝修」、「連『食環境』都未達標，環境好嘈好擠迫」，極為失望的她在用餐後，深深感受到這家Cafe評價過高。

西營盤芝士蛋糕有網民指手寫菜單難於閱讀。 — 有網民指手寫菜單難於閱讀。（圖片來源：FB@香港Cafe關注組）

網民食評不一服務態度一致負評

此帖一出，即時有不少以身試伏的客人蒲頭，直指「我每次都係見人讚，未見過人彈咁滯」、「終於有人講出口啦，我係佢啱開時去過一次，名過其實可以去但唔值排」、「零服務，排完半個鐘一入去就企喺度俾張爛紙你叫你自己睇同提醒最低消費一食物一飲品，自己上樓上望完食咩落去order⋯⋯Cake同食物唔差，但咁嘅價錢份量少到嚇親」，有人直指「貼錢買難受」，「食完出嚟，想叫排隊D 人唔好再排」！