荃灣至尊雲吞麵雞煲$55抵食晚餐！超大隻孜然春雞拼薯條＋送小食飲品

荃灣至尊雲吞麵雞煲$55抵食晚餐！

至尊雲吞麵雞煲以其香濃入味的雞煲和多款地道港式美食聞名，為慶祝荃灣開幕，特別推出$55抵食晚餐吸客，超過20款菜式選擇，包括至尊惹味雞煲飯、招牌酸菜魚湯飯、鮮蝦雲吞雞湯飯、卜卜脆米炒飯等，仲包1款小食和送熱飲，價錢十分之抵！當中有款$55孜然春雞拼薯條更得到threads友熱捧，size有手掌般大，春雞經過特製醬料醃製，燒至雞皮香脆金黃，雞肉保持嫩滑多汁，加埋孜然粉，食落帶有獨特的香氣和微辣口感，勁正！套餐小食可選家鄉酸辣雞腳或即炸饅頭，絕對是糧尾恩物！

招牌雞煲打邊爐

店如其名，這裏招牌當然是雞煲，因肉質嫩滑且骨肉分離方便食用，深得食客好評。其雞煲主打香濃濃郁的湯底，選用新鮮走地雞，配合多款香料及秘製醬料慢火燉煮，使雞肉鮮嫩多汁且入味。雞煲湯底帶有微辣香氣，層次豐富，既刺激味蕾又不油膩，適合喜歡重口味的食客。雞煲內除了主角雞肉，還會加入洋蔥、芫荽等配料，增添清新香氣和平衡口感。用餐過程中，食客可先享用香辣雞煲，待雞肉品嘗完畢後，利用剩餘的濃湯打邊爐，加入各種火鍋配料如丸類、蔬菜和豆腐，讓整體用餐體驗更加豐富多元，兼具雞煲與火鍋的雙重享受。