朱古力薯條
朱古力薯條

自製日本黑白朱古力薯條!點評7大「點醬」@Poortravellers窮遊

飲食

廣告

早排日本出咗黑白朱古力薯條,受盡大家嘅關注!

可惜香港嘅朋友仔得個睇字,無得食!為咗滿足食朱古⼒力薯條嘅慾望,決定自製!

朱古力醬

買咗枝朱古力筆唧喺薯條面,雖然得黑朱古力,但食落味道都幾正,本身以為會唔太夾,點知食完一條又食第二條!
好味指數:7.5/10

朱古力新地

唔想買朱古力醬嘅朋友仔,有咩直接又簡單嘅方法?就係喺M記買杯朱古力新地點嚟食,可惜味道相對地就無咁好食,個新地嘅朱古力醬味道同朱古力筆嘅唔同,同埋凍凍地有d唔太夾。
好味指數:6/10

紫薯新地

食新地就梗係食埋最近新出嘅紫薯啦,點落去食好奇怪,紫薯嘅甜同薯條完全唔夾,都係分開食算數。
好味指數:0/10

Nutella醬

仲有咩醬可以試下?試埋邪惡系列嘅Nutella醬,點埋嚟食Nutella嘅味道基本上係蓋過哂薯條嘅味道,但又因為Nutella嘅味道令到想食第2條,極大可能係因為個醬而想繼續食,基本上無薯條都無所謂哈哈
好味指數:7/10

阿華田醬

另一個邪惡系列,阿華田醬有埋脆脆口感,加埋落薯條度無論味道定口感都相當奇怪!完全係唔知點解兩樣好食嘅野加埋一齊會咁難食!
好味指數:0/10
咁講到底,薯條配咩醬最好味呢?

茄汁

薯條點茄汁真係無得輸,都係呢種酸酸甜甜嘅味道夾哂,我諗薯條點茄汁都應該係有人試咗好多唔同醬得出嚟嘅結果所以而家先會咁配!
好味指數:9/10

泰式辣醬

另一款好味嘅醬就係點雞翼嘅泰式辣醬,酸酸辣辣特別惹味,每次都要拎多幾包!
好味指數:9/10
延伸閱讀:
$5焦糖燉蛋!窮遊澳門勁食8大美食@Poortravellers窮遊
牛陣$99午市火鍋放題!任食Häagen-Dazs@Poortravellers窮遊

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..