自助餐優惠2025！全港最新18大必食Buffet推介：最平$88/任食生蠔 牛扒 和牛
更多最新自助餐相關內容：
復活節自助餐｜觀塘自助餐｜銅鑼灣自助餐｜尖沙咀自助餐｜素食自助餐｜自助餐買一送一｜海鮮自助餐推介｜龍蝦自助餐｜下午茶自助餐｜半自助午餐｜半自助餐優惠推介｜點心放題優惠
自助餐優惠2025｜東涌福朋喜來登酒店$88自助餐！任食周記醬料燒賣/蝦子麵/炸大腸
史上最抵！唔使$100就食到酒店自助餐！東涌福朋喜來登酒店自助餐廳「御廚」新推出「港色 ‧ 港食」自助餐，由即日至6月29日供應，官網預訂可享買3送1優惠，折後最平$88位，仲包加一，這個價錢可以任食老字號周記醬料「世一」燒賣、魚茸麵、蝦子麵等周記招牌美食，另外仲有多款港式美食，包括滷水拼盤、炸大腸、碗仔翅、煎釀三寶等，專登搭車去食都抵！
自助餐優惠2025｜人氣扒房The Grill Room$298任食澳洲M7和牛＋意大利粉
The Grill Room 是尖沙咀及銅鑼灣知名的扒房餐廳，以結合法國與澳洲風味的牛扒料理聞名。而餐廳的任食牛扒推廣尤為吸引，每位$298即可任食3款澳洲和牛以及意大利粉，threads上有不少網民分享「戰績」，牛扒賣相靚仔！
詳情按此
自助餐優惠2025｜中環西餐廳$108半自助午餐！任食沙律吧＋魚子醬撻＋自選主菜牛扒
中環復古時尚西餐廳Mojo Bistro，最近新推出$108半自助午餐，客人可以任食沙律吧、炸物、甜品、湯，另可自選主菜如意大利粉、烤澳洲豬扒、美國板腱牛扒等，仲可以任飲咖啡及茶及果汁，性價比高，中環打工仔切勿錯過！
詳情按此
自助餐優惠2025｜即撈海鮮火鍋放題店葵芳開分店！$298任食海鮮＋過百款配料
即撈海鮮火鍋放題店「大西洋火鍋」於葵芳開分店！餐廳主打$298即可2小時任食多達7款生猛海鮮，現場自己即撈活海鮮，另外還包任食近過百款火鍋配料、熟食、 甜品、榴蓮和飲品，椰青及啤酒都無限暢飲，新店開張仲有限時8折優惠，而且開到凌晨3點，各位海鮮火鍋愛好者切勿錯過！
自助餐優惠2025｜銅鑼灣肉佐 和牛壽喜燒放題店任食厚切牛舌檸檬/和牛＋小童免費
銅鑼灣和牛壽喜燒放題店「NIKUSA 肉佐」，由來自京都的日籍米芝蓮星級懷石料理大師長本輝彥先生設計及秘製招牌壽喜燒醬汁，餐廳共5個不同級別的Menu，有多達 140 款菜式及食材，當中最吸引、最豪的莫過於Level 5 超豪快極上放題菜單，可在150 分鐘無限量追加達到滿分 BMS 12 的宮城縣產仙台 A5 霜降黑毛和牛放題，最吸引是有得任食牛舌檸檬和任食刺身壽司、優質肉類、高質海鮮和火鍋放題等，高質之選更成為Threads友大力推介之選，大胃王、愛任食的必去！
詳情按此
自助餐優惠2025｜九龍灣千之味居食屋推出$188壽司放題
千之味居食屋最近推出$188壽司放題顧客可以60分鐘內無限量享用共50款食品，包括壽司、炸物、小食等。優惠於6月1日起在九龍灣分店供應，大家要注意了！
自助餐優惠2025｜佐賀燒肉谷全新生蠔＋日本和牛燒肉放題！無限追加過百款食品
人氣日本燒肉放題「佐賀燒肉谷」最近新推出全新生蠔海鮮祭，引入日本兵庫縣及韓國上品生蠔，只要惠顧指定放題套餐，可以任食日本A4和牛外，仲可以無限量任食生蠔，還有過百款食品，生蠔海鮮控切勿錯過！
詳情按此
自助餐優惠2025｜灣仔任食意粉Brunch！跟7款小食＋自選主菜＋甜品拼盤
灣仔任食意粉Brunch｜坐落於灣仔莊士敦道歷史建築內的意大利餐廳 Casa Sophia Loren，隨住母親節早午餐餐單受到熱烈的反響後，新任總廚決定由5月中旬起選取時令食材為週末Brunch菜單換上新裝，套餐包含豐富菜式選擇，包括7款分享前菜、無限量供應多款精選意粉，還有自選主菜和甜品拼盤，份量十足 ！
自助餐優惠2025｜韓國炸雞NeNe Chicken推炸雞放題！任食韓式小食/炸雞/雞翼
韓國炸雞連鎖店NeNe Chicken為慶祝其九周年紀念，特別推出了一系列炸雞放題優惠，當中$129便可享用60分鐘炸雞及汽水放題，而$149則可90分鐘任食炸雞、多款韓式小食、汽水等，即睇詳情！
詳情請看
自助餐優惠2025｜旺角/上環/灣仔可麗餅專門店Crepe Delicious推放題！$298起任食頭盤/Gelato/可麗餅
可麗餅專門店Crepe Delicious由即日至8月31日推出「All You Can Eat 2.0」放題套餐，以$298起的價格，提供90分鐘的無限享受，包括任食頭盤和意式雪糕、任飲飲品和自選一款主菜，從脆炸洋葱圈、吉列炸蝦、蜜糖雞翼、蒜蓉焗青口等，每一款都令人垂涎三尺；主菜則可從辣烤焗雞肉可麗餅、西冷牛排配薯條、豬鞍薯條等自選。此外，甜品愛好者可以額外支付$38，即可任食意式雪糕及可麗餅，包括雙重提拉米蘇、紅豆抹茶忌廉等。此優惠在旺角MOKO店、灣仔利東街、上環南豐店有售，提早訂座還可享有9折優惠！
自助餐優惠2025｜尖沙咀凱悅酒店任食牛扒薯條！1個價錢全包：無限量供應沙律/甜品/葡萄酒
尖沙咀凱悅酒店推出任食牛扒薯條菜單，希戈餐廳逢星期二晚呈獻「任食牛排及薯條夜」，源源不絕獻上優質黑安格斯牛扒及Frites Atelier美味法式薯條，除了任食牛扒外，更有品酒師精選美酒任飲，機會難逢！
詳情請看
自助餐優惠2025｜麗晶酒店日本餐廳Nobu週六早午餐 $858任食壽司/刺身
香港麗晶酒店Nobu Hong Kong坐擁維多利亞港的壯麗全景，由星級餐廳主理人、頂級日本料理代表人物松久信幸先生（Nobu Matsuhisa）領軍， 呈獻揉合秘魯元素的日本料理。餐廳除了單點菜單之外，逢星期六都有供應豪華豐富的brunch menu，每位$858享用多款美饌，包括特色小食、壽司、新鮮刺身、沙律等，當中壽司及刺身更加無限任食。想weekend過一個舒適的週末brunch time，Nobu是不錯的好選擇。
自助餐優惠2025｜中環葡萄牙餐廳Casa Lisboa $498任食葡式烤乳豬＋葡式海鮮飯
中環葡萄牙餐廳Casa Lisboa推出超值Weekend Brunch，每位只需$498即可任食招牌葡式烤乳豬及精選葡式飯，另外仲包前菜、海鮮主菜及甜品。每位成年客人更可免費獲贈葡萄牙青酒(Vinho Verde)或佩爾塞雞尾酒(Per Se Spritz) 一杯，享受周末假期！
詳情請看
自助餐優惠2025｜灣仔Sophia Loren House$88任食優惠！pizza＋意粉＋凍肉拼盤
灣仔百年古蹟和昌大押有間人氣意大利餐廳Sophia Loren House，以Brunch任食拿坡里薄餅、手工意粉、Tiramisu馳名，最近餐廳再加碼，推出超平$88優惠任食pizza、意粉、三文治、cold cuts、芝士，仲可以食足3個鐘，即睇詳情！
自助餐優惠2025｜Mr. Steak Buffet＋沙田柏麗廳$378和牛自助餐！原條藍鰭吞拿魚即席解體
銅鑼灣 Mr. Steak Buffet a la minute聯乘沙⽥The Palate 柏麗廳，兩間餐廳⽤最優惠的價錢，同步呈獻低⾄$378和433起奢華的⽇本和牛自助餐！⼀次品嚐到原條長崎藍鰭吞拿⿂、即開岡⼭縣⽣蠔及多款和⽜美饌、冰鎮海鮮、刺身等，和牛狂熱者切勿錯過！
詳情請看
自助餐優惠2025｜即撈海鮮火鍋放題九龍灣/荃灣分店！$288任食4小時海鮮＋過百款配料
即撈海鮮火鍋放題九龍灣店「千海水產海鮮火鍋放題」自開業就爆紅，訂座瘋狂爆滿！最近帶來好消息，宣布在荃灣再開分店，價錢和Menu與九龍灣一樣，最平$288可任食四小時，任撈海鮮和過百款火鍋配料、熟食、甜品和飲品，想食但book不到枱嘅朋友把握機會啦！
自助餐優惠2025｜北角海逸酒店$198午市點心放題
香港北角海逸酒店的逸龍軒中菜廳最近推出了午市點心放題，食客可以享受超過30種精緻的點心和炒粉麵，食物款式豐富，包括了傳統的蝦餃和燒賣，還有創新的流沙包和星洲炒米等。每位客人還可以享用原隻鮑魚和半隻紅燒皇子鴿，每位只需$198，長者和小童更可享有特別優惠，$168就食到！
詳情按此
自助餐優惠2025｜富豪機場酒店推Sip & Sing自助餐！現場樂隊伴奏/15款甜品小食/手工啤
富豪機場酒店華岸酒吧扒房推出全新的「Sip & Sing」吃、唱、玩、樂包羅萬有活動，每逢星期五晚上 6 時至 10 時「Sip & Sing」期間，顧客可享啤酒、小食，與及由酒店現場樂隊伴奏在舞台上獻唱的美妙機會。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
