唔使妒忌！香港有得賣！ 日版Haagen-Dazs 脆皮雪糕三文治 開箱試食+預告！
日版Haagen-Dazs 向來進取，幾乎每個月都有新口味，可惜身處香港，只能打句「#又係日本」。不過！今次終於唔使妒忌，事關一系列 日版Haagen-Dazs 將會登陸香港！記者就率先拿到2款日本直送的脆皮雪糕三文治，即刻試食！
撰文、拍攝：ning
開箱即試～日版Haagen-Dazs 抹茶火鍋味＋士多啤梨芝士 !
今次登陸香港的 日版Haagen-Dazs ，主要分脆皮雪糕三文治、脆皮雪糕批和雪糕杯，4月初開始逐步推出。記者率先拿到抹茶火鍋風味和士多啤梨芝士味脆皮雪糕三文治，即看味道如何！
抹茶火鍋風味 抹茶味甘濃
青綠色的抹茶威化和抹茶脆皮包着冰凍的抹茶雪糕，前前後後、左左右右，由內到外都是抹茶！
試後感：
抹茶味十分濃郁，味道回甘得來，不會苦澀。威化十分鬆化，並有陣香甜的白朱古力味。
士多啤梨芝士味雪糕三文治
面層是原味的威化，圍着士多啤梨芝士脆皮的外層，內裏的雪糕混合了4種芝士和士多啤梨醬，打開包裝袋就聞到濃濃士多啤梨味。
試後感：
入口就吃到威化的香脆，中間有士多啤梨醬流心，吃落味道天然，結尾還隱隱嘗到芝士味，甜度適中。
未完！仲有雪糕杯+脆皮雪條！
除了打頭陣的2款 日版Haagen-Dazs 脆皮雪糕三文治，緊接其後的還有3款雪糕杯和脆皮雪條，記得捕實超市、便利店，搶呀！
雲呢拿曲奇紅桑子迷你杯
等於濃縮版的雪糕新地，香甜雲呢拿雪糕與酸甜紅桑子醬，連同朱古力曲奇，口感豐富。
咖啡雲呢拿甜點迷你杯
旋風狀的咖啡與雲呢拿雪糕，將奶香和咖啡香融為一體。
冧酒提子甜點迷你杯
以冧酒混合雲呢拿雪糕，再加提子乾，酒迷必冧。
終極壓軸！紅桑子吉士脆皮雪條
係咪已經睇到好心急？仲未完呀。因為壓軸出場的還有 日版Haagen-Dazs 紅桑子吉士脆皮雪條！粉紅色的朱古力紅桑子脆皮內藏吉士雪糕和酸咪咪的紅桑子醬，賣相超甜美。
邊度有得買？
來到一眾雪糕fans最緊張的問題。今次登港的 日版Haagen-Dazs 將於4月初陸續登陸大型超市、7-11和OK便利店，由於是日本直送的期間限定，所以數量有限，賣晒就冇。Fans記得巡多幾轉便利店喇！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
