美食博覽
美食博覽

美食博覽 著數清單! $1 鮑魚山全場最注目 【灣仔】

飲食

廣告

第26屆 美食博覽 於8月13日開鑼,一如以往,參展商大搞噱頭,出奇招搶客,繼續有一蚊筍貨,亦有玩遊戲贏獎品,仲有多款新推出產品及得意公仔食品,先嚟個預告,睇定心水掃貨啦!

1. $1 繼續搶眼!

今年最矚目的仍然是一蚊產品,海鮮、湯包、月餅、酒都有一蚊大優惠,萬下手三、四蚊都可以做倒一餐!
安記「 搶鮑山 」$1/1分鐘任搶

上年搶花膠,今年來個搶「 鮑 」山,首日入場 10位參觀者,可以 $1搶1分鐘鮑魚山,搶到幾多假乾鮑,就有幾多台灣8頭即食鮑攞走。(展位編號:Hall 1C-A10)

鴻星「家全靚湯」湯包 $1/包

鴻星新出五款新口味湯包,材料上絕不馬虎,有鵪鶉、蟲草、老雞、雪蛤等,媽媽們要快手搶啦!(展位編號:Hall 1D-A12)

Pata Negra黑毛豬火腿 $1/碟

48個月的 COVAP 黑毛豬火腿,一碟約有50g,以這級數平日在餐廳食,閒閒地就要過百。(展位編號:Hall 3D-A32)

GO natural無酒精紅酒 $1/瓶

美國零酒精葡萄酒,但非一般提子汁,反而用三種釀酒葡萄做,葡萄香零舍不同。(展位編號:Hall 3E-D25)

$1有10杯!Pastoret西班牙工藝 乳酪甜品 $0.1/杯

西班牙工藝乳酪以黐線價 $0.1出售乳酪甜品 (原價$42),有成13種口味咁多,每日限售30樽!(展位編號:Hall 3B-C02, 3D-D13)

2.好打耳公仔月餅!

月餅一向是美食博覽重頭戲,,今年得意公仔月餅特別多,並以優惠價發售,粉絲們要注意!
會場限定梳乎蛋馬卡龍$200/ 盒
呢期最紅的梳乎蛋 macaron,每粒都有不同的慵懶表情,代替月餅送禮一流,會場限定貨品,只賣100份咋!(展位編號:Hall 3B-E12)

Hello Kitty系列玲瓏月餅及Little Twin Stars系列玲瓏月餅$120/盒、$180/2盒 (原價$150/盒)

外層是傳統月餅,內餡Hello Kitty是雙重朱古力味,Little Twin Stars是紅豆綠茶味,個樣咁得意,點捨得咬落去呀?(展位編號:Hall 3B-E12)

Hello Kitty月餅 $268/盒 ( 原價 $488/ 盒 )

樂茶軒之前推出Hello Kitty 茶,今年還推出月餅,外表印有大大隻 Kitty,內裡有雙黃純正銀蓮蓉月及玫瑰金松 子豆沙月。(展位編號:Hall 1B-E30)

3. 遊戲區!

想唔出錢就滿載而歸?得!只要你玩遊戲夠叻,就可以一袋二袋好滿足咁返屋企。不過記住早啲去排隊啦!手快有手慢無!

鮑魚保齡球

玩法好簡單,好似打保齡咁碌個波出去,將疊在上層的新西蘭翡翠鮑魚罐頭掃跌,倒地的罐頭就歸你所有,最多可以拎6罐鮑魚($1,290) 走,只限首日入場,名額10個。(展位編號:Hall 1B-B28)

鵝肝急口令

限時10秒內,讀出四句急口令,便可獲得 180克ROUGIE鵝肝或鴨肝醬 ($395)一盒,每日10個名額。(展位編號:Hall 1A-E17)

榴槤摩天輪

只要付出 $1,於限時30秒內,在榴槤摩天輪上成功收集10 個指定顏色月餅吊飾,即可獲贈醉榴香貓山皇榴槤冰皮月餅($808)一盒,其後每年可到 門市免費換領一盒月餅,只限首日入場,名額3個。(展位編號:Hall 1D-B02)

4. 新品著陸!

話明美食博覽,當然會有不少話題新品推出。今年有首登陸香港的英國名茶、土炮派有長洲過海的芒果糯米糍,都幾叫人期待。
限10套!竹鶴威士忌月餅禮盒 $998/盒

威士忌月餅你一定聽過,但食正今期興日本威士忌呢條水,鴻星推出威士忌禮盒,包700ml 日本竹鶴威士忌及竹鶴威士忌月餅。美食博覽上只限售10套!(展位編號:Hall 1D-A12)

Williamson大象茶 $250/罐

此品牌極受荷里活影星如Emma Thompson 歡迎,最為人所知是大象設計的茶罐,今年首次被引入香港。所有茶葉的種植、生產過程,均獲保護雨林聯盟及 UTZ 永續生產認證,飲得環保。(展位編號:Hall 3E-E29)

芒果糯米糍 $30/2粒

初次參展美食展的升呢甜品,把長洲的大大粒芒果糯米糍帶到會場,煙韌薄嫩的外皮包著足足1/4個芒果內餡,非常足料!(展位編號:Hall 3G-D18)

程班長黃金泡菜涼麵 $32

程班長又有新嘢!用南瓜泡菜做成涼麵醬,入口帶微辣,而麵條比平時常用的更為幼細,吸盡醬汁精華,在台灣好普遍。(展位編號:Hall 1A-E32、E34)

美食博覽2015
•地址:灣仔港灣道1號香港會議展覽中心(顯示地圖
•展覽日期及時間:8月13日 -16日10am-10pm、8月17日10am-6pm
•門票:
1. 美食博覽公眾館、尊貴美食區及家電 • 家品 •博覽套票 : $40/ 位
2. 美食博覽公眾館及家電 • 家品 • 博覽門票:$25/ 位
3. 美食博覽公眾館及家電 • 家品 • 博覽 2015 晚間進場票:$10/ 位

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..