經典滋味重現！美心中菜「嚐當年手工菜」 品味失傳的黃金歲月

粵菜：融匯中西 精巧細膩

粵菜以選料豐富、刀工精細、火候講究聞名，融合中西南北飲食文化，呈現清而不淡、鮮而不俗嘅風味。今次美心中菜重現多款消失粵菜，包括「明爐醬燒琵琶鵝」同「古法燕窩鷓鴣粥」。
當中嘅「明爐醬燒琵琶鵝」(半隻$198起)，製作繁複，鵝隻洗淨去骨，塗秘製醬料醃兩小時，再塗脆皮水，隔夜吊乾後燒烤45分鐘。要燒出皮脆肉嫩、油亮紅潤嘅琵琶鵝，火候至關重要。「古法燕窩鷓鴣粥」(每位$48起) 以清燉鷓鴣做湯底，肉糜混蛋白同淮山茸煮羹，配搭燕窩同火腿茸，清香撲鼻。其他菜式包括「懷舊蓮子八寶鴨」（$388起）、「生菜包炒乳鴿崧」（$148起）同「中式金錢煎牛柳」（$138起）。想一次過試多款？「粵菜篇 琵琶鵝手工菜四位套餐」包括六道菜，全球Visa獨家85折，僅$748起！

潮菜：鮮味至上 傳統手工精髓

潮汕菜講究鮮味同原汁原味，香港潮菜由戰前戰後潮汕移民引入，保留傳統特色。今次潮江春同潮庭重現矜貴潮菜，如「荷包黃玉參」同「黃金石榴帶子」，尤其令人期待。
「荷包黃玉參」(2條$288) 選上乘黃玉參，釀蝦膠燜3小時，肉厚彈牙，寓意盆滿鉢滿。「黃金石榴帶子」(4隻$168) 以蘑菇、馬蹄粒同帶子做餡，蛋皮包裹炸至酥脆，寓意代代平安。其他菜式包括「鹹青欖燉豬肺湯」（$198）、「普寧豆醬焗馬友」（$238）等。每款都展現潮汕菜對鮮味同調味嘅極致追求，喺全綫潮江春同潮庭均可品嚐！

京菜：氣派非凡 集技術大成

京菜作為北京嘅代表，融合全國烹飪技術，涵蓋地方風味同宮廷菜式，講究手工精緻同氣派。今次北京樓（葵芳分店除外）推出嘅菜式，將老北京嘅家常味道重現。
「京城香糟鳳尾蝦」(3隻開邊$228起) 係京蘇四大名菜之一，選用越南野生大虎蝦，細心挑去蝦腸並切斷蝦筋，配以自家調製嘅酒糟，混合十多種材料，散發濃郁酒香同鹹香，蝦肉厚實彈牙。
另一道「老北京家常黃魚」(每條$268起) 看似簡單，卻係老北京風味嘅靈魂。將面醬、冬菇、肉片同粉絲燒開，放入黃魚同煮，醬汁澆在魚身上，魚肉鮮嫩入味，配菜濃香撲鼻。
想一次過體驗京菜嘅精髓？「老北京美饌宴」絕對係不二之選！套餐包括「京城五小碟」、「烤北京填鴨」、「黃炆海參小土豆」等十一道菜，優惠價$7,388（原價$8,888），最適合親朋好友的聚會，12人套餐只於北京樓中環、尖沙咀同太古廣場分店供應，記得提前兩日預訂！

匠心巧手 重現三大菜系經典

今次美心中菜推出嘅「嚐當年手工菜」，真係誠意十足。由揀料、備料到烹調，每個步驟都一絲不苟，力求還原當年嘅味道。每一道菜都係老師傅嘅心血結晶，啖啖都係工夫同回憶。推廣期由即日起至2025年7月31日，涵蓋全綫美心皇宮、翠園（廣場飯店分店除外）、八月花、映月樓、翠玉軒、潮江春、潮庭同北京樓（葵芳分店除外）。即刻預約，同親朋好友嚟場懷舊之旅！查詢及預訂請瀏覽美心中菜官網或致電指定分店，唔好錯過呢個難得嘅機會！
推廣詳情：https://www.maximschinese.com.hk/promotion/326

（Presented by：美心中菜）