終於有蕉味！ Minions 迷你兵團麥當勞9大新食物
廣告
剛剛同大家分享完Minions 迷你兵團餐具套裝消息，繼續有好消息話比大家知！！！下星期7月16號除咗去麥當勞換餐具，M記更加推出大旺Minions 迷你兵團相關食品，有新意之餘又有少少攪笑，最最最大重點，就係今次會推出「香蕉批」、「香蕉朱古力」、「冰雪呂宋芒果」同「香蕉朱古力忌廉卷」，咁 Minions 又的確係鍾意食蕉噃，好make sense呀！唔似上月份推出的雪糕，只有芒果味。9大新食物名單如下：
– 「傻蛋孖牛漢堡」
– 「脆怪分享盒」(檸蜜雞翼)– 「眼柑柑新地樂」
– 「菠菠蘿新地」
– 「香蕉批」
– 「新地香蕉脆」
– 「香蕉朱古力」
– 「冰雪呂宋芒果」
– 「香蕉朱古力忌廉卷」
神秘 Minions 迷你兵美食「傻蛋孖牛漢堡」與「脆怪分享盒」
食完大量甜食，我哋再醒大家兩個迷你兵團鹹食，傻蛋孖牛漢堡，原來係蒸蛋和兩塊牛肉，加上雙汁牛排風味醬及芥末薯仔風味醬的新包，脆怪分享盒，有檸蜜雞翼、脆香雞翼、蒜香雞翼三款口味，大家又覺得會唔會好食呢？
迷你兵團主題麥當勞餐廳
又多一個打卡勝地！銅鑼灣廣場2期麥當勞，將會改裝成為迷你兵團基地，到時有大量佈置，快D去影相啦喂！(顯示地圖)
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
