北角 素食自助餐 !!! $59免加一任食Pizza |北角食乜好|
廣告
提起素食，雖然的確比較健康，但食肉獸朋友總會因為選擇少、價錢貴或是擔心味道不夠豐富而卻步。而北角這間摩登素食店，就正好滿足到食肉獸的三個願望！皆因餐廳最近推出午市 素食自助餐 ，中西式菜餚逾20款，價錢更低至 $59，不少網友都大讚食物有水準。記者今次就來到餐廳一探虛實，即睇詳細試食報告！
撰文：Jacky | 攝影：Woody
任食Pizza！$59 素食自助餐 試食報告
提起素食，很多朋友或者會覺得寡，加上低至 $59 的價錢，但求填飽肚就已經超值。然而記者眼見菜式選擇眾多，單是中西式菜餚已有差不多20款，賣相工整，另有沙律吧、 中西湯、及飲品吧，感覺非常豐富，毫不馬虎。店員更表示每日菜式都會因應貨源及蔬菜質素而作出變動，就算多食幾次都不會厭！雖然優惠只限午餐時段，不過六日都有供應，打工仔一樣可以受惠！
自助餐區位於餐廳的右面，白枱上供應十多款中式菜餚及湯品，菜餚包括最受食客歡迎的椰汁煮芋頭南瓜，另有炒蓮藕、蒸節瓜、西蘭花等，而主食就有炒粉絲、烏冬、金邊粉和白飯。
10多款主食！賣相味道均吸引
最受客人歡迎的椰汁煮芋頭南瓜，店員笑言若果當日沒有這款菜式，不少客人都會有微言！雖然外表平平無奇，但南瓜及芋頭煮得軟腍入味，滲出淡淡椰香，甜味自然，必食！
必飲清甜素湯
至於湯款就有中西各一，是日選擇為節瓜甘筍粟米湯及雜菜湯。
而後面的木枱就有西式菜餚，沙律吧及小食，菜餚包括超香的黃咖喱及青咖喱雜菜，此外還有兩款口味Pizza 及焗茄子，而主食就有肉醬意粉。
沙律吧及炸物
至於沙律吧，車里茄、青瓜、生菜、四季豆等選擇不算多，勝在新鮮爽口。而炸物就有咖喱角、春卷及薯角三款。
飲品區
除了清水和茶，兩款是日飲品為橙汁及豆漿。
總結食評：抵食選擇多！訂位要快手
總結：以$59的價錢來衡量，菜式選擇多，味道又有層次，可謂平靚正！食物又會不斷Refill，遲入座也不用擔心。不過由於訂座名額非常有限，想食的話就要乖乖早點出門排隊。
