粉紅菠蘿面世!地捫研發全港限量300個 定價$328真係好食?即睇試食報告+超巿售賣點|新品速遞

飲食熱話

廣告

粉紅菠蘿你聽過未?最近地捫獨家研發的Pinkglow菠蘿,就是全球第一批有粉紅色果肉的粉紅菠蘿!這粉紅菠蘿終於抵港,全港只有300個,究竟味道如何?即刻睇開箱試食及售賣點!

撰文:Charmaine|攝影:新假期編輯部

粉紅菠蘿抵香港超巿!全港限量300個

近年粉紅色很Hit,不但是Anson Lo神徒的應援色,在飲食界也掀了小小一片話題。例如粉紅色古力,就曾經是飲食界熱話。最近這粉紅色熱潮打入生果界,皆因地捫Del Monte成功研發了粉紅色菠蘿,原個菠蘿大刀切開,粉紅Fancy的菠蘿肉出現眼前,打破了菠蘿是黃色的固有形象。

售賣點 粉紅菠蘿 地捫獨家研發Pinkglow™ 菠蘿
地捫獨家研發Pinkglow™ 菠蘿(圖片來源:惠康)
地捫 售賣點 粉紅菠蘿 果肉標榜香甜多汁
果肉標榜香甜多汁(圖片來源:惠康)
地捫 售賣點 粉紅菠蘿 粉紅果肉非常吸引
粉紅果肉非常吸引(圖片來源:惠康)

哥斯達黎加栽種 被譽為「叢林中的寶石」

這地捫Del Monte獨發生產的Pinkglow粉紅菠蘿,被譽為「叢林中的寶石」,是世界上極罕的菠蘿品種,粉紅菠蘿均在哥斯達黎加的叢林中,經過16年時間研究而成,原理是將茄紅素融入菠蘿中,再以全手工採摘及「無冠」形式出貨,所謂「無冠」,就是將已收割的葉冠重新種植,以達到可持續種植效果。

地捫 售賣點 粉紅菠蘿 包裝盒上,用英文寫上Jewel of the Jungle
包裝盒上用英文寫上Jewel of the Jungle(圖片來源:新假期編輯部)
地捫 售賣點 粉紅菠蘿 菠蘿產自哥斯達黎加
菠蘿產自哥斯達黎加(圖片來源:新假期編輯部)

記者試食!真係有糖果的香甜?

粉紅菠蘿每個需培植兩年才收成,除了是粉紅色外,還據說有糖果般的香氣、酸度極低、果汁超級充沛,味道比一般菠蘿更細緻。究竟真實味道如何?即睇記者開箱試食!

包裝:粉紅菠蘿以紙盒盛載,粉紅色紙盒襯托墨綠色,跟「粉紅」及「叢林」主題很配,十分貼題。紙盒結實,有保護菠蘿的能力,用來送禮亦十分得體。

外型:外型小巧,Size近似蜜瓜,包裝前已切割菠蘿冠,方便儲存。表面少刺,不會像一般菠蘿般岩纔,捧起上來也不怕割到手。

地捫 售賣點 粉紅菠蘿首次登港,記者即刻試食!
粉紅菠蘿首次登港,記者即刻試食!(圖片來源:新假期編輯部)

果肉:湊近來聞,菠蘿味香甜,但未必跟糖果可以拉上關係。切開菠蘿後,可見粉紅色果肉,中間菠蘿芯則是黃色,不過買回來要快食,因存放過久,粉紅色澤會變淡。

地捫 售賣點 粉紅菠蘿 切開菠蘿椗,粉紅橫切面即現。
切開菠蘿椗,粉紅橫切面即現。(圖片來源:新假期編輯部)

口感:菠蘿切開後,可見纖維幼細,吃下去不似其他菠蘿般容易有渣,口感滑溜。果汁十分充沛,一邊切片、果汁一邊流出來,未吃就知夠Juicy。

地捫 售賣點 粉紅菠蘿 菠蘿纖維細緻
菠蘿纖維細緻(圖片來源:新假期編輯部)
地捫 售賣點 粉紅菠蘿 粉紅賣相很煞食
粉紅賣相很煞食(圖片來源:新假期編輯部)

味道:一咬爆汁,菠蘿味很重,也有菠蘿的清香,甜度高,酸度少,只有近菠蘿芯位置才有酸味,怕酸的話,這個粉紅菠蘿好啱食。值得一讚是菠蘿吃至最後,都沒有舌頭變嚡的情況出現,不用浸鹽水都食得。

地捫 售賣點 粉紅菠蘿 果肉多汁
果肉多汁(圖片來源:新假期編輯部)

抵買度:每個售價$328,比一般菠蘿貴足至少五、六倍,適合用來送禮跟朋友分享,但如果當平日的飯後甜品,成本就太高了。

食法多樣 淨食之外還可做甜品

粉紅菠蘿切片來食,最能吃出其原味及風味,但其實也可用作不同食法,可以用來做甜品、沙冰、特飲、雞尾酒,甚至做菠蘿乾都得。現時粉紅菠蘿於指定超級巿場發售。

地捫 售賣點 除了爭食,粉紅菠蘿還可用來做Cocktail。
粉紅菠蘿可用來做Cocktail。(圖片來源:惠康)
  • 粉紅菠蘿售價:$328/個
  • 售賣點:即日起於7間超級市場及部分地區可透過Market Place by Jasons手機應用程式率先發售:
    銅鑼灣記利佐治街惠康超級廣場
    銅鑼灣希慎廣場Market Place
    旺角朗豪坊Market Place
    大角咀奧海城二期Market Place by Jasons
    馬鞍山新港城Market Place by Jasons
    九龍站圓方3hreesixty
    中環置地Oliver’s the Delicatessen

圖片來源:新假期編輯部、相關機構