筲箕灣打卡西餐廳$80五道菜晚餐！鐵板肉眼牛扒＋巴斯克芝士蛋糕

筲箕灣打卡西餐廳「The Starred」$80五道菜晚餐！

筲箕灣的The Starred是一間深受本地食客喜愛的懷舊復古西餐廳，環境裝潢帶有復古氣息，配有水晶燈，用餐氛圍優雅舒適。餐廳主打價格親民的西餐，人均消費約$80至$100，就食到各式意粉、油封鴨腿、牛扒，食物質素高，是區內的街坊鋸扒的好地方。最近餐廳推出超值五道菜套餐，星期二至五全日供應；星期六日中午12時至6時供應，每位只需$80即可嘆齊前菜、餐湯、主菜、甜品及飲品，只要加多$5就食到薄切燒紐西蘭肉眼牛扒，真心抵！

$80五道菜套餐！主菜五選一

五道菜豐盛全餐每位$80包迷你意大利初榨橄欖油黑醋沙律杯、餐湯、主菜五選一、西班牙巴斯克焦香芝士蛋糕及咖啡/茶/果汁。主菜方面有黑松露醬溫泉蛋鮮菇忌廉炒意大利粉、琺瑯鍋飯燒汁燴紐西蘭牛肉眼配溫泉蛋红糙米飯、香煎豬梅扒/吉列豬梅扒/香煎雞扒/薄切燒紐西蘭牛肉眼扒（加$5）跟配意大利粉或紅糙米飯，或（加$5）配炒蛋或烚蛋及麵包或炸薯角。另有鐵板雞扒（燒汁/迷迭香蒜蓉汁）配溫泉蛋意大利粉或紅糙米飯及鐵板豬梅扒（燒汁/迷迭香蒜蓉汁）配溫泉蛋意大利粉或紅糙米飯。最多人揀一定是薄切燒紐西蘭牛肉眼扒（加$5），可自選5款醬汁：山葵芥末籽蜜糖忌廉汁/意式茄蓉醬/燒汁/迷迭香蒜蓉汁 / 四川麻辣醬，雖然薄切但用鐵板呈上，肉質嫩滑，牛味香濃，這個價錢真心超值。此外，跟餐附送的餐飲可以加$13改為Stella Artois 啤酒或40白酒一杯或$25紅酒一杯，儀式感滿滿！